Ф. Жуманова, С. Авазова, Г. Жобборова, У. Хуснетдинов

 
Юқорида келтирилган ҳолатлардан келиб чиқилган ҳолда педагогика 
фани тараққиётига таъсир этувчи қуйидаги жиҳатларни таъкидлаш мумкин: 
 
математик-статистик, биопсихологик ва гносеологик фанлар натижа-
ларидан кенг фойдаланиш асосида педагогиканинг инсоншунослик фанлари 
билан чуқур алоқалар ўрнатиши ва илмий педагогик билимлар интеграцияси-
нинг кучайиши; 
 
дунёни педагогик англашнинг назарий-фундаментал доираси кенга-
йиши, яъни педагогика фаннинг илмий мақоми ва ижтимоий функциясини 
сақлаб қолиш, ривожлантириш учун назариядан амалиётга ҳаракатланиш; 
 
педагогик фанлар тараққиётини таъминлашда математик-статистик ва 
семантик-семасиологик ахборот манбаларидан тизимли фойдаланишга ўтили-
ши; 
 
ижтимоий хулқ-атвор меъёрларини уйғунлаштириш, ижтимоий муно-
сабатларни тартибга солиш механизмларини бошқаришда таълим жараёнини 
ахборотлаштиришга алоҳида эътиборнинг кучайиши; 
 
педагогика фанининг ўзига қарашли ҳаракатланиш, тараққиёт йўлини 
сақлаб қолишига эришиш ва унинг бошқа фанлар категорияларидан ўринсиз 
фойдаланиши ҳисобига тушунарсиз мураккаблашувига йўл қўймаслик; 
 
глобал педагогик муаммоларни ҳал этиш учун шахслараро, миллат-
лараро ва давлатлараро муносабатларни инсонпарварлаштириш ва аҳлоқий 
меъёрлар тўлиқ таъминланишига доир илмий-тадқиқотларни амалга ошириш. 
Ўзбекистон Республикасининг узлуксиз маърифий тизимида содир бўла-
ётган туб янгиланишлар жараёни жаҳон маърифий тизимига интеграцияланиш
ва унинг ривожланиш тенденцияларига ҳамоҳанглигидан дарак бермоқда.
 
6.4. Таълим қонуниятлари ва уларнинг тавсифи 
Таълим қонуниятлари – таълим жараёнининг таркибий қисмлари ўрта- 

---

154 
сидаги объектив, барқарор ва такрорланувчи боғланишлар мажмуидир. Таъ-
лим жараёнининг ташқи қонуниятлари - таълимнинг ижтимоий жараёнлар ва 
шарт-шароитларга, ички қонуниятлари - таълимнинг таркибий қисмларига 
боғлиқлигини ифодалайди.