F. I. Salomova Bilim sohasi: 500000 – “Ijtimoiy ta’minot va sog’liqni saqlash” Ta’lim sohasi: 510000 – “Sog’liqni saqlash”

Kommunal  gigiyena  fanining  asosiy  maqsadlari  -  uning  alohida  bo’lgan 

(quyida sanalgan) 6 ta bo’limida berilgan: 

1.  Suv  va  ichimlik-xo’jalik  suv  ta’minoti  gigiyenasi.  Mazkur  bo’limda 

ichimlik  suvining  sifati,  tozalash  qurilmalarini  joylashtirish  va  ishlatish,  aholini 

sifatli ichimlik suvi bilan ta’minlovchi tarmoqlarga qo’yiladigan gigiyenik talablar 

o’rganiladi. 

2.  Suv  ob’ektlarini  sanitariya  muhofazalash  gigiyenasi.  Ushbu  bo’limda  suv 

havzalari  suvlarining  sifati  masalalari,  ularni  ichimlik-xo’jalik  suvi  manbasi 

sifatida ishlatish mumkinligi, hamda suv havzalari suvining sifatini turg’un saqlash 

maqsadida  chiqindi-oqava  suvlarini  tushirilishiga  qo’yiladigan  gigiyenik  talablar 

o’rganiladi. 

3. Tuproqning sanitariya himoyasi va aholi turar joylarini sanitariya tozalash 

gigiyenasi. Bu bo’limda tuproqni kimyoviy va biologik moddalar bilan ifloslanish 

shart-sharoitlari  o’rganiladi.  Ifloslantiruvchilarni  tuproq  orqali  yer  osti  suvlarga, 

atmosfera havosiga, o’simliklarga o’tib inson salomatligiga va turmush sharoitiga 

ta’sir  ko’rsatishi  o’raganiladi.  Bo’limda  yana  suyuq  chiqindilardan  sanitariya 

tozalashga qo’yiladigan gigiyenik talablar ham o’rganiladi. 

4.  Atmosfera  havosini  sanitariya  muhofazalash  gigiyenasi.  Bu  bo’limda 

atmosfera  havosini  ifloslanishining  qanday  darajasi  aholi  salomatligiga  zararsiz 

ekanligi,  aholi  turmushining  sanitariya-maishiy  sharoitlarni  buzmaydigan  holati, 

aholi  turar  joylari  havosi  tarkibida  ifloslantiruvchilarning  gigiyenik  me’yoridan 

oshib ketish darajasini vujudga kelishini oldini olish maqsadida atmosfera havosini 

ifloslantiruvchi manbalarni joylashtirishga va ishlatilishiga qo’yiladigan  gigiyenik 

talablar o’rganiladi. 

5.  Turar  joy,  umumjamoa,  madaniy-maishiy  va  davolash  profilaktika 

muassasalari  gigiyenasi.  Bunda  turar  joy  binolari  ichki  omillarining  inson  uchun 

optimal  darajasi  (havo  harakati, nisbiy  namlik, havo  harorati, xonaning  radiatsion 

---

 

10 

 

rejimi),  davolash  profilaktik  muassasalarini  loyihalashtirish,  obodonlashtirish  va 

jihozlanishiga  qo’yiladigan  talablar,  madaniy-maishiy  muassasalarni  (hammom, 

kirxona,  sartaroshxona,  kinoteatr,  teatr,  sirk  va  boshqalarni)  loyihalashtirish, 

obodonlashtirish va jihozlanishiga qo’yiladigan talablar, sport inshoatlarini (suzish 

havzalari,  sport  komplekslari  va  zallari)  loyihalashtirish,  obodonlashtirish  va 

jihozlanishiga qo’yiladigan talablar qaraladi.  

      6.  Aholi  turar  joylarini  loyihalashtirish  (rejalashtirish,  joylashtirish)  gigiyenasi 

bu  bo’limda  aholi  turar  joylarini  rejalashtirishda  tabiiy-iqlim  sharoitlarining 

ahamiyati  va  ularni  rejalashtirishda  hisobga  olish,  aholi  turar  joylari  hududlarida 

seliteb  mintaqani  rejalashtirish  va  qurilishga  qo’yiladigan  gigiyenik  talablar, 

qishloq aholisi, turar joylarini rejalashtirishni o’ziga xos tomonlari o’rganiladi.