F. I. Salomova Bilim sohasi: 500000 – “Ijtimoiy ta’minot va sog’liqni saqlash” Ta’lim sohasi: 510000 – “Sog’liqni saqlash”

Simob  organik  birikmalar

  guruhidagi  pestitsidlar  urug’larni  zararsizlantirish 

uchun keng qo’llaniladi. Simob organik birikmalarga granozan, etilmerkurfosfat, 

merkuran  kiradi.

 

Ular  yuqori  toksiklik,  kuchli  kumulyatsiya  xossasiga  ega,  va 

atrof-muhitga  chidamli.  Organizmga  ular  nafas  a’zolari,  teri,  ovqat  hazm  qilish 

a’zolari  orqali  tushadi.  Toksik  ta’siri  asosida  fermentlar  sulfgidril  guruhining 

inaktivatsiyasi,  hamda  gematoentsefalik  barer  orqali  o’tish  qobiliyati  yotadi, 

miya to’qimalarining shikastlanishi shu bilan bog’liq. 

O’tkir zaharlanishda bemorlar og’izda metal ta’m va achishishni his qiladilar, 

bosh og’rig’i, ko’ngil aynashi, so’lak oqishi, milklarning qonashi, qorinda og’riq, 

qon bilan ich ketishi kuzatiladi. Astenovegetativ sindrom fonida vaqti-vaqti bilan 

hushdan ketish, ataksiya kuzatiladi. 

O’tkir  intoksikatsiyaning  og’ir  shaklida  asab  tizimining  diffuz  ortga  qaytmas 

shikastlanishi  kuzatiladi  (ko’rish  va  eshitish  gallyutsinatsiyalari,  alahsirash). 

Kichik  miya  (ataksiya,  dizartriya,  tremor),  oraliq  miyaning  funktsiyasi  buziladi 

(ozib  ketish,  poliuriya,  vegetativ-vistseral  krizlar,  qandsiz  diabet),  polinevritlar, 

parezlar, falajlar rivojlanadi. 

Surunkali intoksikatsiyada stomamatit, gingivit, burun qonashi paydo bo’ladi, 

ba’zida  astenovegetativ  sindrom,  polinevrit,  neyrotsirkulyator  distoniya  bilan 

---

 

406 

 

birga  kechadi.

 

Simob  organik  birikmalar  allergik  va  embriotoksik  ta’sir 

ko’rsatadi. 

Ishchilarni  tibbiy  ko’rikdan  o’tkazishda  yurak-qon  tomir  va  qon  hosil  qilish 

tizimi,  jigar,  buyrak,  asab  tizimi,  hamda  qon  tahlilini  (EChT,  qonda  qand 

miqdori, bazofil donadorlik bilan eritrotsitlar) tekshirish lozim. 

Karbamin,  tio-  va  ditiokarbamin  kislotalarning  hosilalari  insektitsidlar, 

fungitsidlar  va  gerbitsidlar  sifatida  qo’llaniladi.

 

Ular  asosan  kam  zaharli,  kam 

kumulyativ  xossaga  ega.  Metil-  va  dimetilkarbamat 

(

dikrezin,  sevin), 

fosfororganik  birikmalardan  farqli  ravishda,  davomiyligi  kam  bo’lgan 

antixolinesteraza xossasini namoyon qiladilar. 

Fenilkarbamat  (karbinlar,  xlor-IFK)  metgemoglobinni  faol  hosil  qiladi.

 

Sevin 

o’tkir zaharlanishda xolinesterazani faolligini pasaytiradi. Dikrezin xolinesteraza 

faolligini  pasaytiradi.  Fenilkarbamatlar  o’tkir  zaharlanishda  nafas  siqishi, 

parezlar,  talvasa,  kuchli  sianozni  chaqiradi.  Tiokarbamatlar  oksidlanish 

jarayonlari,  nuklein  almashinuvi,  asab  tizimi,  jigar,  endokrin  bezlarining 

shikastlanishini chaqiradi. 

2,4-dixlorfenoksiuksusli  kislota  preparatlari  (2,4-D)  gerbitsidlar  sifatida 

qo’llaniladi.  Ular  o’rta  bosqichdagi  toksiklikka  ega,  kuchli  teri-rezorbtiv  va 

mahalliy ta’sirlovchi va sensibilizatsiyalovchi ta’sir ko’rsatadi. 

Bu birikmalar organizmga  oshqozon-ichak trakti, teri va  o’pka  orqali  tushadi. 

O’tkir  intoksikatsiyada  bosh  og’rig’i,  bosh  aylanishi,  ko’ngil  aynashi,  qusish, 

oyoq-qo’llarda xolsizlik bezovta qiladi, dermatitlar, kon’yunktivitlar yuqori nafas 

yo’llarining ta’sirlanishi kuzatilishi mumkin. 

Surunkali zaharlanishda og’izda shirin ta’m hissi, nafas siqishi, qabziyat, o’ng 

qovurg’a ostida va yurakda og’riq kuzatiladi. Vegetativ disfunktsiya bilan astenik 

sindrom,  hid  bilishning  buzilishi,  gipotenziya  yuzaga  keladi.  Gepatitlar, 

xoletsistitlar,  surunkali  gastritlar,  bronxitlar,  atrofik  rinitlar,  kam  holatlarda  - 

pnevmoskleroz kuzatilishi mumkin. 

Tibbiy  profilaktik  ko’ruvlarda  umumiy  qon  va  peshob  tahlilidan  tashqari, 

---

 

407 

 

EChT,  peshobda  urobilinni  aniqlash,  olfaktometriyani  o’tkazish  zarur. 

Intoksikatsiyaga  shubha  qilinganida  qonda  qand  miqdori,  katalaza,  peroksidaza, 

aminotransferazalarning  faolligi,  trombotsitlarning  soni,  qonning  ivish  vaqti, 

asosiy  moddalar  almashinuvi,  jigarning  funktsional  holatini  aniqlash  tavsiya 

etiladi,  vegetativ  tomir  sinamalarini  olib  borish,  EKG  va  EEG  ma’lumotlaridan 

foydalanish lozim.