F. D. Xodjaboyev Navoiy davlat pedagogika instituti «Informatika va o‘qitish metodikasi»

Nazorat savollari

l. Bola tarbiyasida didaktik o‘yinlarning qanday ahamiyati bor?

2. Didaktik o‘yinlarni yaratishda nimalarga e’tibor berish lozim?
3. Kompyuterda didaktik o‘yinlar qanday dasturlar yordamida yaratiladi?
4. Didaktik o‘yinlarga ovoz qanday kiritiladi?
5. Gipperssilka qilish uchun qaysi bo‘limga kiriladi?
Adabiyotlar

1. 
   R.R.Boqiyev, R.Yu. Mehmonov, D.K.Husnitdinova «Bolalar bog‘chasida kompyutеr savodxonligi» O‘quv qo‘llanma Toshkent - 2010.
   
2. 
   R.R.Boqiyev, R.Yu. Mehmonov, D.K.Husnitdinova «Kompyuter o‘rgatish metodikasi» O‘quv qo‘llanma Toshkent - 2012.
   

Internet elektron saytlar: http://www.ziyonet.uz.


8-mavzu: Didaktik o‘yinlardan foydalanish


Reja:

1. 
   Matematika mashg‘uloti uchun didaktik o‘yin
   
2. 
   «To‘g‘risini tanla» didaktik o‘yini
   
3. 
   «Alifboni o‘rganamiz» didaktik oyini
   
4. 
   «Archa yonsin chiroqlaring» didaktik o‘yini
   
5. 
   «Labirint» didaktik o‘yini
   

Tayanch iboralar: Slayd, doira, to‘rtburchak, giperssilka.

Matematika mashg‘ulotida «Kerakli shaklni tanla», «Rangini top», «Eng kattasini tanla», «Sonini top», didaktik o‘yinlarini qo‘llash mumkin.

Bu o‘yinlarni yaratish uchun Power Point dasturidan foydalaniladi. Dastur oynasi ochilgach, 3 ta slayd yaratiladi. 1 slaydga o‘yin turiga qarab kerakli topshiriq kiritiladi. Masalan, 8.1-rasmda ko‘rsatilganidek «Uchburchak shaklini toping» topshirig‘i beriladi.
Uchburchak shaklini toping.

8.1-rasm. 1- slaydga qo‘yiladigan topshiriq

2-slaydga to‘g‘ri javobni tasdiqlovchi quyidagi rasm yoki to‘g‘ri javobni tasdiqlovchi tovush kiritiladi.

3-slaydga noto‘g‘ri javobni tasdiqlovchi quyidagi rasm yoki tovush kiritiladi:

Uchburchak shakli – 2-slaydga yo‘naltiriladi (gipperssilka qilinadi). Doira va to‘rtburchak esa 3-slaydga yo‘naltiriladi. Natijada bola savol bilan tanishgach uchburchak shaklini bossa, to‘g‘ri javob, doira va to‘rtburchakni bossa noto‘g‘ri javob paydo bo‘ladi. O‘yin tugagach, orqaga qaytish uchun ikkinchi va uchinchi slaydga strelka qo‘yiladi va 1-slaydga yo‘naltiriladi. Natijada strelka bosilganda o‘yin boshiga kelish mumkin.
Bu o‘yin bolalardagi matematik tasavvurlarni kengaytirishga, shakllarni ranglarni ajrata olishga va mashg‘ulotning qiziqarli o‘tishiga yordam beradi.
Bolalarga sanashni o‘rganishga doir didaktik o‘yinlar ham yaratish mumkin (8.2-rasm).

8.2-rasm. Sanashni o‘rganishga doir didaktik o‘yinga misol.