|
Adobe Photoshop CS dasturida matnlar bilan ishlash
Adobe Photoshop СS dasturi tasvirlar ustiga matnlarni kiritish uchun yana bir keng imkoniyatni ochib beradi. Tasvir ustiga matn kiritish uchun uskunalar panelida maxsus «Тексть» («Matn») uskunasi mavjud. Bu uskuna asosan tasvirga turli matnlarni kiritish uchun xizmat qiladi. «Тексть» uskunasi tarkibida «Тексть маска», «Вертикальный тексть» kabi uskunalar yashiringan. Bu uskunalar faollashtirilib, tasvir ustida bir marta bosilishi bilan yangi «Текстовый инструмент» darchasi hosil bo‘ladi. Bu uskunalar faqat matnlarni tuzush uchun xizmat qiladi. Uning yordamida mavjud matnlarni tahrirlashning iloji yo‘q.
Nazorat savollari
1. Adobe Photoshop CS dasturi qanday formatdagi fayllar bilan ishlash mumkin?
2. Adobe Photoshopda tayyor tasvir faylini oching.
3. Fayl ustida quyidagi amallarni bajaring;
Tasvirga mos tekst kiriting;
Tasvirning keraksiz qismlarini olib tashlang.
4. Hosil bo‘lgan tasvirga yangi nom bering.
5. Photoshop dasturidan o‘zingiz uchun vizit kartochkasi yarating
va uni xotirada saqlang.
6. Adobe Photoshop dasturi ishini yakunlang.
Adabiyotlar
R.R.Boqiyev, R.Yu. Mehmonov, D.K.Husnitdinova «Bolalar bog‘chasida kompyutеr savodxonligi» O‘quv qo‘llanma Toshkent - 2010
Matchonov, F.M Zokirova «Informatika» T-2010
7-mavzu: Didaktik o‘yinlar va ularni kompyuterda yaratish
Reja:
1) Didaktik o‘yinlar haqida tushuncha
2) Didaktik o‘yinlarni kompyuterda yaratish
Tayanch iboralar: Power Point dasturi, Paint dasturi, skaner, giperssilka.
Didaktik o‘yin — bu bolalarning yosh va imkoniyatlariga mos keladigan ta’lim berish metodidir. Didaktik o‘yin bolalarning amaliy faoliyati bo‘lib hisoblanadi. Chunki unda bolalar mashg‘ulotlarda olgan bilimlaridan foydalanadilar. Shuning uchun didaktik o‘yin bolalarning aqliy faoliyatini kuchaytiradi, olgan bilimlaridan har xil usulda foydalanishlari uchun hayotiy tajriba yaratib beradi.
Didaktik o‘yinlar bolalarning tevarak — atrof to‘g‘risidagi bilimlarini mustahkamlashga yordam beradi. Ulardagi fikrlash qobiliyatlarini, ijodiy jarayonlarni rivojlantiradi. Ushbu o‘yinlar ta’lim jarayonini yengilroq va qiziqarliroq o‘tishiga yordam beradi. Didaktik o‘yinlar kattalar tomonidan bolalarni aqliy rivojlantirish maqsadida yaratiladi.
Didaktik o‘yinlarning qimmati shundaki, u kichkina bolalarning imkoniyatlariga javob beradi va ma’lum darajada ta’lim mazmunini qabul qilish, o‘qitishni niqoblash kabi muhim xususiyatga egadir. Bola buni xayoliga keltirmagan holda o‘rganadi.
Bolaning o‘yinga kiritilgan vazifaning ma’nosini darhol tushunib olishi va shu vazifaga muvofiq ish tutishi uchun o‘z ichiga murakkab aqliy operatsiyalarni olgan barcha yangi o‘yinlar dastlab tarbiyachining rahbarligi va nazorati ostida o‘tkazilishi kerak.
Mashg‘ulotlarda o‘tkaziladigan har bir o‘yinni ikki bosqich bo‘yicha rejalashtirish va o‘tkazish kerak:
O‘yin mazmuni va qoidalari bilan tanishtirish;
O‘yinni o‘tkazish.
Bolalar fikrlashining aktivligiga, shuningdek, bolalarni xotirlashga va yangi masalani yechishda ilgari olgan bilim malakalardan foydalanishga undaydigan usullarni qo‘llash bilan erishiladi. O‘yin vazifalarini tushunib hal qilishga qaratilgan usullardan foydalanishga alohida e’tibor berish lozim. Bilimlarni tushunib o‘zlashtirish uchun bolalarning nutq aktivligini o‘stiruvchi va o‘z qarorlarini so‘z bilan aniq ifodalab berishga undovchi usullardan foydalanish zarur. O‘yin oxirida bolalarni o‘zlashtirgan materiallarini mustahkamlashga undaydigan va bolaga o‘yindan mustaqil ravishda foydalanish uchun yo‘l ko‘rsatadigan usullarni kiritish maqsadga muvofiqdir.
Kompyuterda yaratilgan didaktik o‘yinlar bolalarning aqliy faoliyatini kuchaytirish, bilimlarini rivojlantirish bilan birga, uning kompyuter haqidagi tasavvurini kengaytiradi va kompyuterda ishlash ko‘nikmasini oshiradi.
Didaktik o‘yinlarni kompyuterda yaratish uchun avval didaktik o‘yinning sxemasi tuziladi. O‘yinni kompyuterda yaratish uchun tarbiyachi quyidagi bilimlarga ega bo‘lishi kerak.
Power Point dasturida ishlash.
Paint dasturida ishlash.
Skaner bilan ishlash.
Kompyuterda ovoz yozish.
Giperssilka.
Kompyuterda yaratilgan didaktik o‘yinlarni bog‘chada o‘tkaziladigan turli mashg‘ulotlarda qo‘llash mumkin. Masalan: matematika mashg‘uloti uchun «Kerakli shaklni tanla», «Rangini top», tabiat mashg‘uloti uchun «Uy hayvonini top», Ingliz tili mashg‘uloti uchun «Kerakli buyumni tanla» o‘yinlarini misol qilish mumkin.
Murakkabroq didaktik o‘yinlarni Power Point dasturida, soddaroq o‘yinlarni esa Paint dasturida yaratish mumkin. Nutq o‘stirish, ingliz tili mashg‘ulotlari uchun yaratiladigan didaktik o‘yinlarga ovoz ham qo‘yish mumkin. Bu bolaning nutqini rivojlanishiga va narsalarning nomini to‘g‘ri talaffuz qilishiga yordam beradi.
Do'stlaringiz bilan baham: |
