F. D. Xodjaboyev Navoiy davlat pedagogika instituti «Informatika va o‘qitish metodikasi»

Bog‘cha yoshidagi bolalarga mo‘ljallangan o‘yinlar
Mutaxassislarning kuzatishlariga ko‘ra bolalarga 2 yoshligidan boshlab kompyuter o‘yinlarini tavsiya qilish mumkin. Chunki bu yoshdagi bolalar ranglarni, shakllarni, tovushlarni anglay oladilar. 2 yoshdan 7 yoshgacha bo‘lgan bolalar uchun quyidagi o‘yinlar tavsiya qilinadi:
1. «Развивайка». Bu o‘yin 2-4 yoshli bolalarga mo‘ljallangan bo‘lib, o‘rgatuvchi o‘yin hisoblanadi. Unda rasm chizish, hisoblash, musiqa, bo‘yicha mashg‘ulotlar berilgan. O‘yinda bilimlar asosan oson, o‘yin shaklida beriladi.
2.«Развивайка для дошкольят». Bu o‘yin 4-6 yoshdagi bolalarga mo‘ljallangan. O‘yin bolalarni maktabga tayyorlashga yordam beradi. Unda bolaning mantiqiy fikrlash, xotirani kuchaytirish, harakatlar kordinatsiyasini olish xususiyatlari rivojlanadi.
3.«Pani Pani». Bu o‘yinda qo‘shiqlar, topishmoqlar, topshiriqlar berilgan. O‘yin qahramonlari quvnoq odamchalar bo‘lib, ular turli xarakterga ega, O‘yinda kichik shaharcha tasvirlangan bo‘lib, unda har xil voqealar yuz berib turadi. Bu voqealarda bolaning o‘zi ham bevosita ishtirok etadi. «Pani Pani» o‘yini quvnoq va bola uchun foydali o‘yin.
4.«Smesharika». Bu o‘yin 3 yoshdan 5 yoshgacha bo‘lgan bolalarga mo‘ljallangan bo‘lib, multserial asosida ishlangan. O‘yin qiziqarli tarzda bolalarni ranglar, shakllar, kattaliklar bilan tanishtiradi. Bolaning eshitish qobiliyatini, reaksiyasini oshiradi. Bu o‘yinda bolaning o‘yin o‘ynash vaqtini kattalar tomonidan avtomatik chegaralash qismi, qo‘shiqlar qismi, va fizkultminutka qismlari mavjud.
5. «Детство мапетов». Eng kichik yoshdagi bolalarga mo‘ljallangan o‘yin (2 yosh) O‘yinda flora, fauna, rang shakl, havo, yer, suv kabi tushunchalar qiziqarli va oson o‘yin yo‘li bilan tushuntiriladi.
6. «Самолётик джей». Bu kompyuter o‘yini bolani atrof-muhit va undagi jonli tabiat bilan ko‘rgazmali tarzda tanishtiradi. Shuningdek, o‘yin raqamlarni o‘rgatish, oddiy matematik yechimlarni topishga yordam beradi. Bolaning mantiqiy fikrlash qobiliyatini rivojlantiradi. O‘yindagi qulay va tushunarli ko‘rsatma, quvnoq musiqa va yorqin grafika bolani befarq qoldirmaydi.
7. «Английски для детей» - 3 yoshdan katta bo‘lgan bolalarga mo‘ljallangan, o‘rgatuvchi dastur. Unda bola chet tilini o‘rganishga ilk qadamini qo‘yadi. Kompyuter yordamida quvnoq topshriqlarni yechib, eng sodda inglizcha so‘zlarni yod oladi.
8. «Котёнок Знайка» — 5 yoshli va undan katta bolalarga mo‘ljallangan. O‘yinning bir necha turlari bor. O‘yin bolaning fikrlash qobiliyatini rivojlan­tiradi. O‘yinnig yuqori bosqichlari xotira va reaksiyani kuchaytiradi.
9.«Freddi Fish» - O‘yin qahramoni baliq Freddi bolaga yaxshi do‘st bo‘ladi va bolani suv osti dunyosi bilan tanishtiradi.
10. «Розовая Пантерра» - O‘yinda qiziqarli detektivlar berilgan. O‘yin davomida bosh qahramon izquvar panteraga bolalar jinoyatlarini ochishda yordam berishlari kerak.