F. D. Xodjaboyev Navoiy davlat pedagogika instituti «Informatika va o‘qitish metodikasi»

10-mavzu: Atrof-muhit bilan tanishtirish mashg‘uloti uchun didaktik o‘yin.


Reja:

1. 
   Atrof-muhit bilan tanishtirish mashg‘uloti uchun didaktik o‘yin
   
2. 
   «Farqini top» didaktik o‘yini
   
3. 
   «Yil faslini top» didaktik o‘yini
   

Tayanch iboralar: Svetofor chiroqlari, transport turlari, binolar, ro‘zg‘or buyumlari, kiyim-kechaklar, oziq-ovqat.
Atrof-muhit bilan tanishtirish mashg‘uloti uchun didaktik o‘yin
Atrof-muhit bilan tanishtirish mashg‘ulotida asosan bolalar tevarak-atrofdagi jonli va jonsiz obyektlar bilan tanishtiriladi. Bu mashg‘ulotni o‘tkazishda ham kompyuterda yaratilgan didaktik o‘yinlardan foydala­nish mumkin (10.1-rasm).

10.1-rasm. Atrof-muhit bilan tanishtirish mashg‘uloti uchun didaktik o‘yin namunasi
Masalan: svetofor chiroqlari, transport turlari, binolar, ro‘zg‘or buyumlari, kiyim-kechaklar, oziq-ovqatlar bilan tanishtirishda, ularning turlari va farqini ajrata olishda didaktik o‘yindan foydalanish mumkin.
Bu o‘yinni yaratishda «Power Point» va «Paint» dasturlaridan foydalaniladi. «Power Point» dasturida 3 ta slayd yaratiladi. 1-slaydga topshiriq javob aks etgan biror rasm yoki tovush kiritish mumkin (10.2-rasm).

10.2 –rasm


«Farqini top» didaktik o‘yini

«Farqini top» didaktik o‘yinini biror grafik muharrirda yaratish mumkin. Unda biror rasm chiziladi va undan nusxa olinadi (10.3- rasm).

10.3-rasm
Rasmlarga bir necha farqlar qo‘yiladi. Bolaga shu farqlarni topish va sanash vazifasi beriladi (10.4-rasm).

10.4-rasm
Bola rasmlarini solishtirib ko‘radi va ular orasidagi farqni topishga harakat qiladi. Bolaga rasmda aniq nechta farq borligini va shu farqni topish aytiladi. O‘yin orqali bolaning fikrlash qobiliyati rivojlanadi va sanashni o‘rganadi. O‘yinni yaratishda dasturlardagi tayyor rasmlardan yoki skaner orqali kiritilgan rasmlardan ham foydalanish mumkin.