F. D. Xodjaboyev Navoiy davlat pedagogika instituti «Informatika va o‘qitish metodikasi»

Raqamli va uzluksiz monitorlar. Nur bilan boshqariladigan signal ko‘rinishiga bog‘liq ravishda monitorlar uzluksiz va raqamli bo‘ladi. Uzluksiz monitorlarda boshqarish buriladigan potensiometrlar asosida, raqamli monitorlarda esa knopka asosida amalga oshiriladi. Raqamli monitorlarda ko‘p darajali ekranli menyu qulay quriladi, oldindan o‘rnatilgan grafikli rejimlar ishlatiladi, lekin uzluksiz monitorlar ekranda tasvirni yaxshi sifat bilan, katta miqdorlardagi nimranglar va rangli tuslar bilan o‘ta yuqori sifatli standartlarda shakllantirish imkonini beradi.
Monoxromli monitorlar. Monoxromli mo­nitorlar rangli monitorlarga qaraganda birmuncha arzonroq, tiniqroq tasvirga va yuqori o‘tkazish qobiliyatiga ega, «qo‘l rangni» o‘nlab tuslarini aks ettirish imkoniyatini beradi, inson salomatligi uchun zararsizroqdir. Shuning uchun ko‘plab malakali dasturchilar aynan ularni afzal ko‘radilar.
Rangli monitorlar. Hamma bor ranglar gammasini uzatish imkonini beradi (65536 tagacha rangli tuslarni — High Color standarti). Rangli monitorlar sifatida quyidagilar ishlatiladi:

• 
  kompozitar rangli monitorlar va televizorlar. Ular rangni ham, grafikani ham ta’minlaydi, lekin ancha past o‘tkazish qobiliyatiga egadir;
  
• 
  rangli RGB monitorlar grafikani ham, rangni ham yuqori o‘tkazish qobiliyatiga ega bo‘lgan eng yuqori sifatlidir (RGB — qizil-yashil-havo rang, bu rangli xabarlarning har biri uchun o‘zining simi ishlatiladi, kompozitlida esa — uchala rang signali bitta sim bo‘ylab boradi);
  
• 
  RGB — monitorlar rangli grafikli nazoratchi bilan birgalikda ishlaydi.
  

Suyuq kristalli indikatorlardagi videomonitorlar. Suyuq kristalli indikatorlardagi monitorlar (SKI, LCD - Liq­uid Cristal Display) - bu raqamli tekmal) sharoitlarda shaffof suyuqlikni ishlatadi, bu suyuqlik aniq bir elektrostatik maydon kuchlanganligida kristallanadi. Bunda uning shaffofligi qutblanish va yorug‘lik nurlarining sinish koeffitsientlari o‘zgaradi. Ana shu effektlar tas­virni shakllantirish uchun ishlatiladi. Tuzilish jihatdan bunday displey ikkita elektr o‘tkazuvchan shisha plastina ko‘rinishda bajarilgan bo‘lib, ularning orasiga ana shunday kristallanadigan suyuqlikning juda yupqa qatlami joylashtiriladi. Bunday ekranlarni orqa yoki yon tomondan yoritish uchun yorug‘lik manbai sifatida, odatda, sovuq katodli flyuoresent lampalar yoki elektrolyuninessentli panellar ishlatiladi.