Excelni ishga tushirish

Ma‘lumotlar bazasini yaratish

EXCEL yordamida bajariladigan tipik vazifalardan biri telefon raqamlarining, moddiy qiymatlarini, savdo amallari va hokazolarning ro‘yxatini olib borish, ro‘yxatlar bilan ishlaganda maksimal samaradorlikka erishish uchun quyidagi qoidalarga rioya etish zarur:

1. Har bir ustun bir tipdagi axborotni o‘z ichiga olishi kerak. Masalan, familiya 1-ustun, ishga qabul qilinish sanasi 2-ustun va hokazo.
2. Ro‘yxatning bir yoki ikki qatori sarlavhadan iborat bo‘lib, ularni har biri pastda joylashgan ustunning maksimumini ta’riflaydi.
3. Ro‘yxatga bo‘sh qatorlar va ustunlarni kiritmang.
4. Eng yaxshisi, ro‘yxat uchun alohida varaq ajratishdir. Agar buning imkoniyati bo‘lmasa, unda ro‘yxat ish varag‘ining boshqa ma‘lumotlaridan, juda bo‘lmaganda, bitta bo‘sh qator bilan ajratib qo‘yilishi kerak.
Korxonamiz xodimlarining quyidagi ro‘yxatini tuzamiz:

32-rasm.

Bu yerda sohalar (maydonlar)ni biriktirib olish kerak, chunki ro‘yxat tamoyilida, katta bo‘lishi mumkin va jadvalnig sarlavhasi doimo ko‘rinib turadigan bo‘lishi maqsadga muvofiqdir.

Boshlang‘ich ro‘yxat tuzilganidan so‘ng uni alifbo tartibida saralab olish ortiqchalik qilmaydi. Buning uchun jadvaldan birinchi xodimning familiyasi bilan katakni tanlash, undan so‘ng uskunalar panelidagi saralash tugmasini chertish kerak.
Endi Yosh ustuni haqida gaplashish payti keldi. Bu yerda hisoblash formulasi bo‘lishi kerakligi va Excel har bir xodimning yoshini o‘zi aniqlashi lozimligi tushunarli bo‘lsa kerak. Buni o‘zingiz mustaqil qilishga harakat qilib ko‘ring, mabodo buni uddasidan chiqolmasangiz, =ОКРУGL(H2-G2)/365:0) funksiyasidan foydalaning. Kimga bu formula tushunarli bo‘lmasa, funksiyalar ustasining aytib berishidan foydalanishni maslahat beramiz.
Endi ma‘lumotlar bazasida ishlashga o‘tamiz, chunki oldingi hamma harakatlar aynan shuning uchun amalga oshirilgan edi. Ro‘yxatga yangi axborot kiritish yoki undan axborotni chiqarib tashlashni oldingi qatorni ajratib ma‘lumotlar menyusidagi shakl buyrug‘i yordamida bajarish hammasidan osonroqdir. Excel ekranga ro‘yxat uchun ma‘lumotlar shaklini chiqaradi:



33-rasm.

Shaklning tepa qismida varag‘ning nomi, pastroqda esa ro‘yxat ustunlarining hamma sarlavhalarni ifodalari joylashgan. Shaklning yuqori o‘ng burchagida ro‘yxatdagi qatorlarning umumiy miqdori haqidagi axborot va ma‘lumotlar bazasidan tanlangan yozuvning tartib raqami chiqariladi. Shaklning o‘ng qismida ro‘yxatlar bilan ishlash uchun mo‘ljallangan buyruqlarning bir nechta tugmasi joylashgan. Ro‘yxatga yangi yozuv qo‘shish uchun qo‘shilsin tugmasini cherting. Excel ekranga yangi ifodalarni kiritish mumkin bo‘lgan bo‘sh shaklni chiqaradi. Ma‘lumotlar kiritib bo‘lingach, Yopilsin, tugmasini cherting va Enter yangi qatorni ro‘yxatning ohiriga qo‘shib qo‘yadi. Orqaga va keyin tugmalari ro‘yxatning qatorlarini aylantirib ko‘rish imkonini beradi. Chiqarib tashlansin tugmasi yozuvni chiqarib tashlaydi, qaytarilsin tugmasi esa Chiqarib tashlangan yozuvni joyiga qaytaradi.