Excelni ishga tushirish

Mundarija

Kirish	5
EXCELni ishga tushirish	6
EXCELning ish sohasi (maydoni)	6
Kitob darchasi	6
Ish varag‘i	7
Ish varag‘i bilan ishlash asoslari
Varaq bo‘yicha harakatlanish va yachеykalarni ajratish	9
Kataklarni ajratish	10
Ma‘lumotlarni jadval kataklariga kiritish	10
Raqamli va matnli ifodalarni kiritish	10
Formulalarni kiritish	11
Nisbiy, mutloq ва aralash ishoralar	11
Matn ifodalariga ishoralar	12
Hisoblashlar	12
Hujjatlarni tuzish, ochish va saqlab qolish
Faylni tuzish	17
Fayllarni saqlab qolish	18
Fayllarni ochish	19
Ma‘lumotlarni tahrir qilish va jadvalni formatlash
Ma‘lumotlarni tahrir qilish	20
Ish varaqlarini formatlash	21
Format menyusi	21
Qatorni formatlash	22
Ustunni formatlash	22
Varaqni formatlash	23
Avtobichim	23
Shartli formatlash	23
Qo‘shish (kiritish) menyusi	24
To‘g‘rilash menyusi	24
Ishchi kataklarga eslatmalar qo‘yish	25
Varaqlarni sohalarga bo‘lish	25
Bir vaqtning o‘zida sohalarni qayd etib sohalarga bo‘lish	26
Funksiyalardan foydalanish	28
Funksiyalar ustasidan foydalanish	29
Grafik ob’еktlarni yaratish	31
Hujjatni oldindan ko‘rib chiqish va chop etish	31
Diagrammalar qurish	33
Ma‘lumotlar bazasini yaratish	35
Ro‘yxatlar va diapazonlarni saralash	37
Filtrdan foydalanish	38
Kengaytirilgan filtr buyrug‘i	38
Filtrlangan qatorlarning nusxalarini boshqa qismga ko‘chirish	40
Ma‘lumotlarni birlashtirish	41
Parametrni tanlash	43
Almashtirish jadvallari	45
Yechimni izlash	48
Yig‘ma jadval	51
Yig‘ma jadval tuzish	53
Yig‘ma jadvaldagi ma‘lumotlar bilan ishlash	54

KIRISH

Elektron jadvallarga ishlov berish dasturi ofis (idora) paketining muhim qismi (komponenti)dir. Bunday dasturlarning hamma sohalarda ishlatilishi asosan ularning universalligi bilan izohlanadi, zero hayotimizning sohalarida hisob-kitoblarsiz ish ko‘rishning iloji yo‘q (Biroq ishlab chiqaruvchilarning ma‘lumotlariga ko‘ra foydalanuvchi EXCEL taklif qiladigan imkoniyatlarning faqat beshdan bir qisminigina amalda qo‘llaydilar xolos).

Turli bloklarni tayyorlash, diagrammalar tuzish va hokazolar kabi oddiy vazifalar bilan birgalikda EXCEL juda murakkab bo‘lgan muammolarni ham hal qilishga imkon beradi. Masalan, korxonada ushbu dastur yordamida buyurtmalarga ishlov berish va ishlab chiqarishni rejalashtirsh, soliqlar va ish haqini hisob-kitob qilish, kadrlar va harajatlarni hisobi, sotishni boshqarish va hokazo yumushlarni yengillashtirish mumkin.
EXCEL ni qo‘llash sohasi ishlab chiqarish, tadbirkorlik sohalari bilangina chegaralanmaydi. Dasturning kuchli matematik va muhandislik funksiyalari tabiiy va ijtimoiy fanlar sohalarida ham ko‘plab vazifalarni hal qilish imkoniyatlarini beradi. EXCELning imkoniyatlari ko‘rsatib o‘tilganlarning doirasidan ancha yuqori va bunga o‘zingiz ham amin bo‘lasiz.

EXCELni ishga tushirish

EXCELni Windows tizimidan ishga tushirish uchun:

bosh menyudagi ishga tushirish tugmasini chertish;
sichqonchaning ko‘rsatkichini Dasturlar bandiga o‘rnatish;
ochilgan menyudagi Microsoft EXCEL buyrug‘ini tanlash kerak.
EXCEL ni ishga tushurishning bundan tez usuli ham bor. Uni qo‘llash uchun Microsoft Office uskunalar paneli mavjud bo‘lishi zarur. Agar sizning kompyuteringizda Microsoft office paneli o‘rnatilgan bo‘lsa, unda dasturni ishga tushurish uchun dasturlar tugmasini chertishning o‘zi kifoya qiladi.

EXCEL ning ish maydoni

Dastur ishga tushurilgandan keyin rasmda tasvirlangan darcha ochiladi.

1-rasm.
Ekranda beshta maydon mavjud:
 ekranning katta qismini egallovchi kitob darchasi;
 menyu qatori;
 uskunalarning ikki yoki undan ko‘p paneli;
 formulalar qatori;
 holat qatori.
Bu beshta maydonning hammasi birgalikda EXCELning ish maydoni deb ataladi. EXCEL darchasi Microsoft Office paketining boshqa ilovalarining darchalari bilan birga ko‘p umumiy xususiyatlarga ega, shuning uchun o‘ziga xos unsurlarga ko‘proq ahamiyat beramiz.

Kitob darchasi

Oldin ko‘rsatib o‘tilganidek, kitob darchasi ish maydonining asosiy qismini tashkil qiladi. Kitob darchasining pastki qismida varaqlarni o’girish yorliqlari, yuqori qismida esa sarlavha qatorlari joylashgan. Bundan tashqari, darchada aylantirib ko‘rish varaqlari va yo‘lkalari bor. Yangi kitob dastavval uchta alohida varaqni o‘z ichiga oladi. Kitob yaxshi tashkiliy vositadir. Masalan, Siz bitta kitobda ma‘lum bir loyihaga oid hujjatlarni yoki bir odam yuritayotgan hujjatlarning hammasini birga to‘plashingiz mumkin. Kitoblar qattiq diskda tartib o‘rnatish, shuningdek, o‘z ishchi maydoningizni har kungi tayyorlash paytida qo‘yilishi lozim bo‘lgan qadamlar (qilinishi lozim bo‘lgan harakatlar) sonini kamaytirish imkonini beradi.

Kitob darchasining quyi qismida, siz ular yordamida bir varaqdan ikkinchisiga o‘tishingiz mumkin bo‘lgan bir nechta tugma joylashgan. Bu tugmalar rasmda ko‘rsatilgan.
Kitobning mundarijasini ko‘rib chiqish uchun darchaning pastki chap burchagidagi to‘rtta tugmadan foydalanish mumkin. O‘rtadagi ikkita tugma bitta yorliqcha o‘ngga yoki bitta yorliqcha chapga aylantirib ko‘rishga xizmat qiladi. Chetlaridagi ikkita tugma esa kitobning birinchi yoki oxirgi yorlig‘igacha aylantirib ko‘rish vazifasini bajaradi. Siz yorliqlarni bo‘luvchisi (belgisi) ni harakatlantirib, bir joydan ikkinchisiga ko‘chirib ekranda ko‘rinuvchi yorliqchalar sonini o‘zgartirishingiz mumkin. Yorliqlarning bo‘linish veshkasining dastlabki xolatini tiklash uchun uni ikki marta chertish kifoya. Aylantirib ko‘rishning sanab o‘tilgan tugmalari va yorliqchalarini bo‘lish belgisi kitob varaqlarini faollashtirmaydi. Varaqni faol qilish uchun siz yorliqchalarni aylantirib bo‘lganingizdan so‘ng kerakli varaqning yorlig‘ini chertishingiz kerak.