Etnopsixologiya fanining predmeti, maqsadi va vazifalari 1-mavzu. Etnopsixologiya fanining predmeti, vazifalari va metodlari

5. Taraqqiyotining yuqori darajasida o'z davlatchiligini tashkil etadi.

5. Taraqqiyotining yuqori darajasida o'z davlatchiligini tashkil etadi.

Masalan, Miloddan oldingi 626 yilning kuzida turkiylar tarixida birinchi davlat barpo bo lgan, Alp Er To'nga shu davlatning asoschisi edi. Bu davlat tarixda sak (iskif) turk davlati deb nom oldi. Sak-iskif turk davlati miloddan oldingi yettinchi-eramizning ikkinchi yuz yilliklarida yashadi. U Dog'istondan Kichik Osiyoga qadar cho'zilgan hududni o‘z ichiga olgan edi (Rahmon, Nasimxon. Turk xoqonligi. T.: 1993 y).

6. Etnos va millatning umumiy din birligi bo'ladi

Masalan, Mo'g'uliston hududida yashagan turkiy qabilalar orasida buddizmning birinchi marta davlat dini sifatida paydo bo'lganidan darak beradi. Taspar xoqonning iltimosiga ko'ra, uning qarorgohida budda haykalchasi ornatildi. Bu haykalcha va burgut marmartoshining Sanskrit yozuvi bitilgan, buzilib ketgan tomoni Chinaguptaga bag'ishlangan. U Hindistondan kelgan, xoqon qarorgohida o'n yil yashagan buddistlar ustozi edi. Birinchi turk xoqonlari hokimiyat barpo bo‘lgandan boshlab, katta imperiyani boshqarish va ushlab turish uchun buddizm qudratli g‘oyaviy omil bo'ladi, deb tushundilar. Sirdaryo bo'yidan topilgan yodnomadan anglashilishicha, burgutga ilk turkiylar sajda qilgan. U osmon ilohasini jonlantirgan va sulolaning nomiga ishora qilgan. Burgutga sig'inish shomonlikdan dalolat beradi.

7. Umumiy til.

Masalan, kelib chiqish jihatidan bir bo‘lgan xalqlarning tili yagonadir. Bu tillarda fe’l, ayniqsa ot turkumidagi so'zlar umumiy. Qarindoshlik an’analari uzoq davom etgan. Keyinchalik ular mustaqil qabilalarga ajralgan. Tillari ham o‘zicha rivojlangan. Turk so‘zi bir ming besh yuz yil davomida o‘z ma’nosini o'zgartirgan. V asrda Ashin atrofiga to‘plangan o'rda aholisi turk deb yuritilgan. Hammasi turkiy tilda gaplashganlar. Ana shu tilda gaplashgan boshqa qo‘shni qabilalarga turk nomi qo'llanilmagan. Faqat hududiy birlik nomga asos bo‘lgan. O‘sha davrlarda O‘rta va Markaziy Osiyoga sayohat qilgan arab tarixchilari asarlarida shunday farqlash bor. Ular turk nomi ostida qaysi tilda gapirishidan qat’i nazar, O'rta va Markaziy Osiyoda yashovchi hamma qabilalarni nazarda tutganlar (Rahmon, Nasimxon. Turk xoqonligi. T.: 1993 y).