Ёритиш электр

6.10. Кабелларнинг қўрғошин муфталарида туташтириш

6,10 кВ ва ундан юқори кучланишли кабелларни улаш учун қўрғошин муфталардан фойдаланилади. Улар монтаж жараёнида тегишли диаметрли қўрғошин трубалардан, уларга тегишлича ишлов бериб, тайёрланади.
Қўрғошин муфталар ҳарфлар ва рақамлар билан белгиланади. СС ҳарфлари қўрғошинли улайдиган (“соединительнқе свинцовқе”) ҳамда 60, 70, 80, 90, 100 ва 110 сонлар муфта диаметрига мўлжаллаб ҳисобланган диаметрини кўрсатади.
Муфталар олти хил тип ўлчамда (СС–60, СС–70, СС–80 ва ва ҳ.к.) бўлади. Муфтанинг тип ўлчами билан шу муфтада маълум кучланишга эга бўлган кабель томирларининг кесими диапазони ҳам аниқланади.
Қўрғошин муфтада монтаж қилинадиган кабелларнинг учларига ишлов беориш ва уларнинг ток ўтказувчи томирларини улаш операциялари принцип жиҳатидан кабелларни чўян муфталарда монтаж қилиш да бажариладиган операцияларидан фарқ қилмайди. Томирларга ишлов берилгандан ва улар улангандан сўнг қўрғошин муфтани монтаж қилиш давом эттирилади.
Ишлов берилаётган қисмдан қоғоз изоляцияси поьона тарзида тошлар осилган пўлат ип (6.20–расм, а) ёрдамида 16 мм узунликда (6 кВ ли кабеллар учун) ва 24 мм узунликда (10 кВ ли кабеллар учун) қирқиб олинади.



6.20–расм. Кучланиши 6 кВ ва 10 кВ ли кабелларни туташтирадиган қўрғошин муфталарни монтаж қилиш :
а,б,в,г,д,е,ж,з–операциялар тартиби; 1–завод изоляцияси ишлов берилган босқичлари, 2–гильза, 3–тошлари бор ингичка сим, 4–қоғоз тасма, 5–қирқиб очиш,
6–ёғоч валик, 7–кавшар қаламчаси, 8–пичоқ, 9 –ерга улайдиган сим, 10–ерга улайдиган симнинг муфтанинг корпусига уланадиган қисми, 11–симли бандажлар,
12–муфта корпуси, 13–қўрғошин пластинаси билан бекитилган қуйиш тешиги.
Бирикмалар роликлар ва рулонлардан олинадиган эни қуйидагича бўлган, таркиб шимдирилган қоғоз–ленталар билан изоляцияланади: 5 мм–гильза билан поьона тарзидаги завод изоляцияси орасида; 10 мм–гильзанинг устидан завод изоляциясининг устки қисмигача ва туташадиган жойдан ҳамда завод изоляциясининг устки қисмигача қўшимча 6–7 қатлам (6.20–расм, б). 50 мм–туташманинг ҳамма қисмида. Алоҳида изоляцияланган томирлар яқинлаштирилади ва эни 50 ёки 100 мм ли рулондан ечиб олинган қоғоз бандаж билан маҳкам ўраб қўйилди. Бандаж икки жойидан пахта ип билан боғлаб қўйилади.