Ёритиш электр

3.3. Кавшарлар, кавшарлаш мойлари ва флюслар

Электр ўтказувчи симлар ва кабель линияларни монтаж қилиш да бириктириш ва тармоқлаш, шунингдек кабелларнинг қўрғошин ва алюминий қобиқларига ерга уланадиган симлар кавшарлаш мойлари ва флюсларидан (5,6,7–жадваллар) фойдаланган ҳолда турли кавшарлар билан кавшарлаб бириктирилади.
Назорат саволлари:

1. 
   Катта токли кабели қандай ҳимояловчи ва изоляцияловчи элементлардан тузилади?
   
2. 
   Текшириш кабеллари нима мақсадларда ишлатилади?
   
3. 
   Электр изоляцион материалларнинг вазифаси нимадан иборат?
   
4. 
   Дюбеллар нима учун ва қандай ишлатилади?
   
5. 
   ПОС–40 қалай–қўрғошин кавшари қандай қисмлардан тузилган?
   
6. 
   Алюминий симларни ва кабелларнинг қобиқларини кавшарлаш учун қандай кавшарлар ишлатилади?
   
7. 
   Алюминийни кавшарлашда ва пайвандлашда ишлатиладиган флюслардан бирининг таркибини айтиб беринг.
   

4–БОБ

ЭЛЕКТР ЁРИТИШ ҚУРИЛМАЛАРИ, ЭЛЕКТР ЁРИТИШ МАНБАЛАРИ ВА ЁРУҒЛИК КАТТАЛИКЛАРИ

4.1. Электр ёритиш ва электр тармоқлари ҳисоблари ҳақида асосий маълумотлар

Саноат корхоналарини электр билан ёритиш, бошқа объектларни ёритишдан фарқ қилмайди. Аммо, лекин айрим ўзига хослиги мавжуд бўлиб, буни корхонани турига қараб, лойиҳалаш даврида ҳисобга олиб кетиш зарур.
Корхоналардаги электр ёритишнинг эксплуатациялари ҳам турли технологик электр қурилмаларидан фарқли ўлароқ, электриклар зиммасига юкланади. Шунинг учун электр таъминоти тизимини лойиҳалаш даврида бу ҳолатни ҳисобга олиш керак.

4.2. Ёритиш қурилмаларини лойиҳалаш

Ҳисоблашнинг ёруғлик техникаси бўлими қуйидаги тартибда бажарилади:
–ёруғлик манбаи турини танлаш;
–ёритиш тизимларини танлаш;
–ёритилганлик ва заҳира (запас) коэффициентларини танлаш;
–ёритиш ускуналарини танлаш;
–ёритиш қурилмаларини ёритилаётган юзага жойлаштириш;
–ёритиш манбаини ва умумий ўрнатилган қувватни аниқлаш.