Ergashxodjaeva Sh. Dj., Samadov A. N.,Alimxodjayeva, N. E., Sharipov I. B. Marketing kommunikatsiyasi

Partizan hujumi - bu raqobatchni tushkunlikka tushurish maqsadida, har zamonda 
uncha katta bo‘lmagan hujumlarni uyushtirib, unda o‘ziga nisbatan ishonchsizlik 
tuyg‘usini rivojlantirishdir (narxlarni har zamonda pasaytirish va mahsulotni jaddal 
sur’atlar bilan siljitish, oqibatda esa raqobatchini o‘zi uchun zararli bo‘lgan qarshi 
harakatlarni qilishga majbur etish va x.k.lar). Bunday strategiyani ko‘pincha uncha 
katta bo‘lmagan cheklangan resurslarga ega firmalar, ancha yirik bo‘lgan 
raqobatchilarga nisbatan qo‘llaydilar. Biroq tez-tez amalaga oshiriladigan partizan 
hujumlari- bu katta harajatlarga olib keladigan tadbirlar, uning ustiga raqobatchilar 
ustidan g‘alaba qozonish uchun, unga boshqa turdagi hujum harakatlari bilan qo‘llab-
quvvatlab turish kerak. 
“Lider orqasidan boruvchi” - bu bozorda ulushi uncha katta bo‘lmagan 
raqobatchidir. Ushbu xulq-atvor ko‘proq oligapoliya holatidagi o‘rinlarga ega bo‘lib, 
unda differensiatsiya imkoniyatlari kam, har bir raqobatchi barcha firmalarga zarar 
keltirishi mumkin bo‘lgan kurashdan qochadi. 
Mutaxassis strategiyasida mutaxassis butun bozor bilan emas, balki bir yoki bir 
necha sengment bilan qizikadi. Uning maqsadi katta daryoda kichik baliq bo‘lish emas, 
balki kichik daryoda yirik baliq bo‘lishdan iborat. Bu raqobatchilik strategiyasi asosiy 
strategiyalardan biri bo‘lgan konsentratsiya strategiyasiga mos keladi. Mutaxassis 
e’tibor berayotgan chuqurcha rentabellik bo‘lishi uchun u beshta shartni qondirishi 
lozim: 
1. etarli potensial foydaga ega bo‘lishi kerak. 

---

361 
2. potensial o‘sishga ega bo‘lishi. 
3. raqobatchilar uchun kam jalb etuvchi bo‘lishi kerak. 
4. firmaning maxsus imkoniyatlariga mos kelishi kerak 
5. kirishni barqaror to‘siqlariga ega bo‘lishi kerak. 
 
Nazorat va muhokama uchun savollar 
1.
Reklama strategiyalari va reklama samaradorligini oshirishda ularning rolini 
izohlang? 
2.
Reklama strategiyalarini tanlashda e’tiborga olinadigan omillarni aytib bering? 
3.
Reklama strategiyalarining asosiy elementlariga nimalar kiradi? 
4.
Maqsadli auditoriyani aniqlash deganda nimani tushunasiz? 
5.
Reklama xabarlari uchun qo‘llaniladigan asosiy strategiyalar nimalardan 
iborat? 
6.
Raqobat afzalliklari strategiyasini mohiyati nimadan iborat? 
7.
Pozitsiyalashtirish strategiyasining mazmunini izohlang? 
8.
Reklama strategiyasini ishlab chiqish nimaga kerak? 
9.
Jahon reklama bozorlarida reklama strategiyalarini amalga oshirish zarurati 
nimadan iborat? 
10.
Xalqaro reklama kompaniyalari nima?