Er sayyorasini saqlaylik

Farg’ona viloyati
Buvayda tuman
6-son Davlat
Maktabgacha Ta’lim
Tashkiloti



"ER SAYYoRASINI
SAQLAYLIK"
mavzusidagi



TA’LIMIY
MASHG’ULOT
ISHLANMASI

Tuzuvchi:
Abdurahmonova Xavasxon


Oy mavzusi:”Er sayyorasi”.
Hafta mavzusi:”Er sayyorasini saqla”.
Aprel oyining 4- haftasi.
Guruh: Katta.
Faoliyat turlari: Nutqni rivojlantirish,Tabiat, Matematika.
Mavzu:” yer sayyorasini saqlaylik.”
Maqsad: Tabiatga muhabbat, uni himoya qilish istagini ekologik ong va tashqi dunyoga qiziqishni tarbiyalash.
Ta’limiy maqsad: Tabiatga, hayvonlarga qiziqish va hurmatni shakllantirish.Geometrik shakllar(doira, to’rtburchak, uchburchak, predmetlar shakli, o’lchami, rangi) haqidagi bolalarning bilimlarini mustahkamlash.
Tarbiyaviy maqsad: Bolalarni suhbatda faol ishtirok etishga , savollarga javob berishga, yer sayyorasini, tabiatni asrash, avvaylash, hurmat qilishga o’rgatish.
Rivojlantiruvchi maqsad: Do’stlarni bir-biriga yordam berish har-bir bolaning vazifasi ekanligini va tabiatni asrab-avaylashni rivojlantirish.
Davlat talabi: Bola qiziquvchan, intiluvchan, faol, bilishga qiziqish bildiradi va unga ehtiyoji mavjud, nutqni tinglaydi, anglaydi, so’zlashadi va muloqat qiladi,sog’liqni saqlash malakalarini namoyon qiladi, elementar matematika malakalariga ega.
Kerakli jihozlar:Qizil kitob rasmlari bilan(hayvonlar, o’simliklar, qushlar), faoliyatga zarur bo’lgan ko’rgazmali qurollar to’plamlari va rasmlar.Audioyozuvlar, sambufer, chip.
Faoliyatning borishi:Tashkiliy daqiqa.
Bolalar”Ulibka” musiqasi ostida doira shaklida turib oladilar va salomlashadilar.
Quyosh chiqar ertalab-qo’llar yuqoriga
Bizni chorlar tabiat-tirsaklar bukilib qo’llar ko’krakka qo’yiladi.
Men uyimdan chiqaman-qo’l bilan o’zini ko’rsatadi.
Salom deyman ko’chamga-qo’llar u yon bu yonga harakatlanadi)
Salom deyman quyoshga-qo’llar bosh uzra ko’tariladi.
Salom deyman maysaga-qo’llar pastga tushirilib gilamni silanadi
Salom deyman shamolga-qo’llar aqa-baqa silkinadilar.
Asosiysi salomim-qo’llar yuqorida.
Go’zal ona Vatanga-bolalar bir-birlarining qo’llarini ushlaydilar.
Salomlashish tugashi bilan tabiat aks etilgan musiqa qo’yib qo’yiladi. Tarbiyachi doskaga
qizil kitob va undagi hayvonlar, o’simliklar , o’t-o’lanlar rasmlarini doskaga oldindan
ilib hozirlagan bo’lishi kerak. Musiqa ostida biror bir bola hakka bo’lib guruhga uchib
kiradi.