English for everybody

Эслаб қолинг!

Сўроқни ифодалаганда феъл шакли "it" сўзидан олдин гапнинг бошида келади.

Is it autumn now? — Ҳозир кузми?
Was it cold yesterday? — Кеча совуқ эдими?
Was it eight o'clock? — Соат саккиз эдими?
Is it raining now? — Ҳозир ёмғир ёғаяптими?
Is it getting cold? Совуқ тушиб келаяптими?


Ёдда тутинг!

Таркибида об-ҳавога доир ҳаракатни ифодаловчи маънодор феъл бўлган шахси топилмас гапларнинг инкор ва сўроқ шаклини ҳосил қилишда ёрдамчи "to do" феълининг "does" шаклидан фойдаланилади.

Масалан :

It often snows here in winter. — Бу ерда қишда тез-тез қор
ёғиб туради.
Does it often snow here in winter? — Қишда бу ерда тез-тез қор
ёғиб турадими?
It doesn't often snow here in — Бу ерда қишда тез-тез қор
winter. ёғмайди.

Бўлиб ўтган иш-ҳаракат ҳақида сўз юритилганда эса "to do" феълининг ўтган замон шакли (did) қўлланилади.

Did it often snow last winter? - Ўтган қишда тез-тез қор ёғиб
турдими?
Did it not rain at night yesterday? - Кеча тунда ёмғир ёғмадими?


Эслатма: Инкорни ифодалаганда ёрдамчи феъл билан "not" юкламаси қўшилиб айтилиши мумкин. Бу оғзаки нутққа хос ҳодисадир.
It didn't rain yesterday. It didn't snow yesterday.

Энди эса қуйидаги гапларни инглиз тилига таржима қилиб кўрингчи, уддалай олармикансиз. Агар уддалай олмасангиз, ушбу мавзуни яна бир бор синчиклаб ўқиб чиқинг ва инглиз ҳамда ўзбек тилидаги шахси номаълум гаплар қурилмасини солиштириб кўринг. Сўнг машқни қайта бажаринг.

1. 
   Ҳозир иссиқ.
   
2. 
   Кеча ҳам иссиқ бўлган эди.
   
3. 
   Кузда бу ерда иссиқ бўладими?
   
4. 
   Ҳозир Лондонда совуқ. Тошкентда эса иссиқ.
   
5. 
   Қоронғи тушиб келаяпти.
   
6. 
   Ҳозир ёмғир ёғаяптими?
   
7. 
   Ёзда ёмғир ёғмайди. Ёмғир баҳорда ва кузда ёғади.
   
8. 
   Якшанба куни совуқ эмас эди.
   
9. 
   Хонанинг ичи иссиқ, бироқ ташқари (outside) совуқ.
   
10. 
    Ҳозир Тошкентда соат 10.00.