Энг янги тарих (1945–2010 йиллар) ЎҚув қЎлланма тошкент «yangi nashr» 2011 Масъул муҳаррир

ХХ асрнинг 80- йилларида Франциянинг ташқи сиёсати
Ф. Миттеран ҳокимият тепасига келгандан сўнг, биринчи нав-
батда, Франциянинг ғарбий блок ва АҚШ билан муносабатлари-
ни яхшилашга киришди. Франциянинг НАТО билан ҳамкорлиги 

---

170
сезиларли даражада фаоллашди. 1982–1983 йилларда АҚШ билан 
Франциянинг ажраладиган бош қисмларга (каллакларга) эга раке-
талари ва нейтрон қуроллари учун зарур бўлган замонавий компю-
тер технологияларини етказиб бериш бўйича ҳамкорлик битимлари 
тузилди. Ф. Миттеран АҚШнинг ўрта масофага мўлжалланган ядро 
ракеталарининг Европага жойлаштирилишини қўллаб-қувватлади. 
1983 йилда Франциянинг ташаббуси билан Парижда НАТОнинг 
Кенгаши бўлиб ўтди ва Франция бир йилга унинг раиси бўлди. 
Франциянинг СССР билан муносабатларига совуқлик тушди. У со-
вет қўшинларининг Афғонистондан олиб чиқиб кетилишини, Поль-
шада ҳарбий режимнинг бекор қилинишини, совет қуролларининг 
қисқартирилишини талаб қилди ва Шарқий Европага совет раке-
таларининг жойлаштирилишини қоралади. Франциянинг атлантик 
иттифоқ йўлидан бориши ва Араб–Исроил можароларида Исроилни 
қўллаб-қувватлаши, хусусан, Исроилнинг Жўлон тепалигини аннек-
ция қилганлигининг Франция томонидан тан олиниши Сурия билан 
муносабатларининг ёмонлашувига олиб келди. 1983 йилда Франция 
АҚШнинг Ливанга тинчликпарвар кучларни киритиш тўғрисидаги 
таклифига қўшилди. 
1984 йилдан Франция ташқи сиёсатида жиддий ўзгаришлар 
бўлди. Миттеран 1984 йили Исроилни сиёсий жиҳатдан қўллаб-
қувватлашдан воз кечди. У Ливандан тинчликпарвар кучларини 
чиқариб кетди. 1984 йили Миттеран расмий ташриф билан Москва-
га келди. М. Горбачев ҳам 1985 йилда Парижга борди. Парижда со-
вет-француз ҳамкорлигига бағишланган “катта комиссия” сессияси 
бўлиб ўтди. 
Франция 1984–85- йилларда Европа Иттифоқининг кенгайиши 
ташаббуси билан чиқди, натижада Европа иқтисодий ҳамжамиятига 
Испания билан Португалия аъзоликка қабул қилинди.