Ёнfин хавфсизлиги

Ёзма қисмда қуйидагилар баён қилинади:

• 
  эксперт тадқиқоти объектларининг ҳолати;
  
• 
  қўлланилаётган эксперт тадқиқотининг усуллари;
  
• 
  қўйилган саволларга жавоб бериш чоғида эксперт томонидан қўлланилган маълумот-меъёрий ҳужжатлар рўйхати (реквизитлари кўрсатилган ҳолда қарорлар, буйруқлар, йўриқномалар, меъёрлар ва қоидалар);
  
• 
  тадқиқот ўтказиш чоғида фойдаланган адабиёт манбалари ҳақидаги маълумотлар (муаллифлари, ишнинг номи, нашриёт, нашр этилган йили ва жойи, бетлари);
  
• 
  агар хулосаларни асослаб бериш учун аҳамиятга молик бўлса, унда ўтказилган тергов ҳаракатларининг натижалари (сўроқ қилиш, кўздан кечириш, экспериментлар ва бошқалар).
  

Тадқиқот қилиш қисми ҳатто экспертиза соҳасида ҳеч қандай билимга эга бўлмаган шахслар учун ҳам тушунарли тилда баён қилиниши керак. Махсус атамаларга изоҳ берилиши керак. Агар экспертиза қайта ўтказилаётган бўлса, унда тадқиқот қилиш қисмида, шунингдек бу ўтказилган тадқиқот натижалари билан бирламчи экспертиза тадқиқоти натижалари орасидаги мавжуд фарқлар ҳам тушунтириб берилиши керак.
Тадқиқот қилиш қисмини расмийлаштириш чоғида қуйидаги бўлимларга алоҳида эътибор бериш зарур: ёнғин чиққан жойни ва ёнғин тарқалишининг (ривожланишининг) ўзига хос жиҳатларини аниқлаш; ёнғин келиб чиқиш сабабларини тадқиқот қилиш; ёнғин келиб чиқиш сабаби билан ёнғин хавфсизлиги қоидаларини бузиш ҳолатлари орасидаги сабабий боғлиқликларнинг мавжудлиги.
Ҳар бир тадқиқот эксперт олдига қўйилган саволларга жавоб излашнинг бир оралиқ босқичи ҳисобланади, шунинг учун ҳам ўтказилган тадқиқотни баён қилишнинг якунида у ёки бу хулоса қилиш учун аниқланган белгиларнинг етарли эканлиги ҳақидаги махсус ёзувлар бўлиши шарт. Ўтказилган тадқиқот тўғрисида ёзма равишдаги хулосанинг мавжуд бўлмаслиги эксперт хулосасининг исботловчи кучини йўқотади.
Хулосанинг якунловчи қисмини тузиш. Экспертнинг хулосаси жавоб шаклида бўлиб, унинг кетма-кетлиги ҳал қилиниши керак бўлган саволлар кириш қисмида қандай баён этилган бўлса, худди ўша кетма-кетликда бўлиши керак.
Қўйилган ҳар бир саволга алоҳида жавоб берилиши зарур. Агар уни тадқиқот қилишнинг ёки ўтказилган тадқиқот натижасида етарли жавоблар олишнинг имкони бўлмаган бўлса, унда унинг сабаблари кўрсатилади.
Ҳар бир савол бўйича алоҳида қилинган асосли хулосалар тадқиқот қилиш қисмида келтирилиши керак.
Хулосалар жуда аниқ ва равон тилда ёзилган бўлиши, турли маъноларда тушунишга йўл қўйилмайдиган даражада ёзилиши керак.

67.