Energetik audit

2. Glossariy .

Energiya tejamkorlik — energetika resurslaridan samarali foydalanishga yo’naltirilgan huquqiy, tashkiliy, ilmiy, ishlab chiqarish, texnik va iqtisodiy choralarning amalga oshirilishidir;
yoqilg’i-energetika resursi (YoER) — hozirgi vaqtda foydalanilayotgan yoki istiqbolda foydalanilishi mumkin bo’lgan energiya eltuvchi;
energetika resurslaridan samarali foydalanish — texnika va texnologiyalarning mavjud rivojlanishi darajasida va atrof-muhitni muhofazasi talablariga rioya qilinganida energetika resurslaridan foydalanishning iqtisodiy oqlangan samaradorligiga erishilishi
ikkilamchi energetika resursi — ishlab chiqarishning asosiy jarayonida foydalanilmaydigan, biroq boshqa jarayonlarida foydalanish uchun yetarli bo’lgan asosiy, oraliq, yo mahsuloti va chiqitlarining energetik salohiyoti;
energetika resurslarining samarasiz sarfi — energiya resurslarining standartlar, me’yorlar va reglamentlarning buzilishi bilan yuzaga kelgan yo’qolishlari;
YoER iste’molchisi — YoERni mahsulot ishlab chiqarish, xizmatlar ko’rsatish, shu jumladan, qayta ishlash, tashish va saqlash hamda o’z ehtiyojlari uchun foydalanuvchi yuridik shaxs;
energetika tekshiruvi — YoERdan foydalanish samaradorligi ko’rsatkichlarini aniqlash va ularni oshirish bo’yicha iqtisodiy asoslangan choralarni ishlab chiqish maqsadida YoER iste’molchilarini tekshirish;
energetika ekspertizasi — ishlayotgan, yangidan ishga tushirilayotgan va qayta qurilayotgan obyektlarda energetika ta’minoti, energiya ishlab chiqaruvchi va energiya iste’mol qiluvchi jihozlarning loyihalari va sxemalarining energetik samaradorligi va me’yoriy-huquqiy aktlarga muvofiqligi sohasida o’tkaziladigan ekspertiza;
davlat nazorat organlari — elektr energetikada nazorat bo’yicha Davlat inspeksiyasi (O’zdavenergiyanazorati) — elektr, issiqlik energiyasi iste’moli va ko’mirdan foydalanish ustidan nazorat o’tkazish hamda O’zbekiston Respublikasi Vazirlar Mahkamasi huzuridagi neft mahsulotlari va gazdan foydalanish ustidan nazorat bo’yicha O’zbekiston Davlat inspeksiyasi (O’zdavneftgazinspeksiyasi), neft mahsulotlari va gazdan foydalanishi ustidan nazoratni amalga oshiradi.