Elektronika va avtomatika fakulteti «oliy matematika» kafedrasi «fanlar integratsiyasini ta

-jadval. 5321300- Neft va neft-gazni qayta ishlash texnologiyasi ta’lim yo‘nalishida o‘qitiladiganfanlar ro‘yxati va hajmi

T.r	5321300- Neft va neft-gazni qayta ishlash texnologiyasi	O‘quv rejasidagi hajmi, soat
		Jami	Ma’ruza	Amaliy			Labaratoriya	Seminar
I. Tabiiy-ilmiy va gumanitar fanlar
1.01	Matematika 1	90	30		60
1.02	Matematika 2	60	30		30
1.03	Axborot texnologiyalari	90	30		30	30
1.04	Fizika 1	90	30		30	30
1.05	Fizika 2	60	30		14	16
1.06	Xorijiy til	46			46
1.07	O‘zbek (ro‘s) tili	46			46
1.8	O‘zbek tilini sohada qo‘llanilishi	46			46
1.9	O‘zbekistonning eng yangi tarixi	46	22						24
1.10	Falsafa	46	22						24
1.11	Jismoniy tarbiya va sport	30			30
II. Umumkasbiy fanlar bloki
2.01	Umumiy va noorganik kimyo 1	90	30	30			30
2.02	Umumiy va noorganik kimyo 2	90	30	30			30
2.03	Analitik kimyo	90	30	30			30
2.04	Organik kimyo 1	90	30	30			30
2.05	Organik kimyo 2	90	30	30			30
2.06	Fizik kimyo	90	30	30			30
2.07	Umumiy kimyoviy texnologiya	90	30	46			14
2.08	Kolloid kimyo	90	30	30			30
2.09	Ixtisoslikka kirish	44	14	30
2.10	Muhandislik grafikasi	90	30	60
2.11	Elektrotexnika va elektronika asoslari	90	30	46			14
2.12	Texnik mexanika	90	30	46			14
2.13	Termodinamika va issiqlik texnikasi asoslari	90	36				54
2.14	Asosiy texnologik jarayon va qurilmalar 1	90	30	44			16
2.15	Texnologik jarayonlarni modellashtirish	90	30	44			16
2.16	Asosiy texnologik jarayon va qurilmalar 2	90	30	44			16
	Tanlov fanlari	90	30	60
III. Ixtisoslik fanlari
3.01	Neft va gaz kimyosi va fizikasi	90	30				60
3.02	Neft va gazni qayta ishlash texnologiyasi 1	90	30	30			30
3.03	Neft va gaz qayta ishlash jihozlari va uskunalari 1	192	64	64			64
3.04	Neft va gazni qayta ishlash texnologiyasi 2	90	30	30			30
3.05	Neft va gaz qayta ishlash jihozlari va uskunalari 2	90	30	60
3.06	Neft kimyoviy sintezi texnologiyasi	90	30	30			30
3.07	Neft va gaz mahsulotlarini zamonaviy tahlil usullari	90	30	30			30
	Tanlov fanlari	180	60	90			30
	Malakaviy amaliyot	1230

Umumkasbiy va ixtisoslik fanlarini integrativ o‘qitishda neft va gaz sohasining ilg‘or texnologiyalari, yangi texnikalar va fan yutuqlarini ishlab chiqarishga joriy etishga e’tiborni qaratish soha taraqqiyotiga va uni boshqarish, texnologik jarayonlarni samarali tadbiq etish, iqtisodiy samaradorlikka erishishga ham sezilarli ta’sir ko‘rsatadi.

Shuning uchun ham texnika va texnologiyalarning o‘zgarib va yangilanib borishi, har bir mutaxassisning integrativ ta’lim orqali dunyoqarash va chuqur bilimga ega bo‘lishini hamda bir necha faoliyat turlari (muhandis-konstruktor, muhandis texnolog)ni bajara olishini talab etadi.
O‘quv rejaga kiritilgan umumkasbiy, ixtisoslik fanlarini va ishlab chiqarish amaliyotini tahlili natijasida shuni ko‘rish mumkinki, o‘quv rejadagi umumkasbiy va ixtisoslik fanlari taqsimotini qayta ko‘rib chiqish lozim. Fanlarni integratsiyalash orqali fanlar sonini qisqartirish bizning fikrimizcha maqsadga muvofiq, chunki mazmunan bir-biriga yaqin fanlar juda ko‘pdir. Ishlab chiqarish amaliyotiga ajratilgan soat hajmini oshirish lozim. Natijada bo‘lajak muhandislarning kasbiy faoliyatida ishlab chiqarish amaliyotidan olingan bilim, ko‘nikma va malakalari muhim rol o‘ynaydi.
“5321300- Neft va neft-gazni qayta ishlash texnologiyasi” ta’lim yo‘nalishining o‘quv rejaga kiritilgan ixtisoslik fanlarini qay darajada mazmunan yangilanib borayotganligini aniqlash maqsadida biz o‘quv dasturlari mazmuni va mavzularni tahlil qilib chiqdik. Tahlil natijasidan shuni ko‘rish mumkinki so‘ngi uch yillikda o‘quv dasturlari mazmunida kasbiy faoliyatga bag‘ishlangan mavzular deyarli juda kamdir.
Muhandislar kasbiy faoliyatga tayyor bo‘lishi ular oliy o‘quv yurtida o‘qish davrida umumkasbiy va ixtisoslik fanlaridan chuqur bilimlarni egallashi, ishlab chiqarish amaliyotiga egallangan bilim ko‘nikmalarini o‘z faoliyatida qo‘llay olishi kerak. Shuning uchun bo‘lajak muhandislarni tayyorlashda ixtisoslik fanlarining mazmuni aynan kasbiy faoliyatga yo‘naltirilgan bo‘lishi, dasturlar mazmuni doimo jahon rivojlanish tendensiyalari asosida takomillashtirib borilishi lozim.
Umumkasbiy va ixtisoslik fanlarini hamda ishlab chiqarish amaliyotini o‘quv reja va dasturlarini tahlili qilish natijasida quyidagi muammolar aniqlandi:
-ixtisoslik fanlarining mazmunan bir biriga yaqin ekanligi; bu esa fanlarni integratsiyalash zaruriyatini tug‘diradi;
-umumkasbiy va ixtisoslik fanlarining mazmuni oxirgi yillarda deyarli o‘zgarmaganligi, ta’limning rivojlanish tendensiyalari asosida fan mazmuni takomillashtirib borilmaganligi; bu esa muhandislik yo‘nalishdagi talabalarga yangi zamonaviy bilimlar berishga salbiy ta’sir ko‘rsatadi;
-umumkasbiy va ixtisoslik fanlaridan tayyorlangan o‘quv dasturlaridagi ayrim mavzular dolzarbligini yo‘qotganligi; bu talabalarning ishlab chiqarish amaliyotiga zarur bo‘lmay qolganligi;
-ixtisoslik fanlarining mavzularidan olingan bilimlarni talabalar ishlab chiqarish amaliyotida qo‘llay olmayotganligi; ishlab chiqarish amaliyotidagi yangi zamonaviy texnika va texnologiyalar bilan tanish olmayotganligi;
Yuqoridagi muammolarni hal etishda qo‘yidagilarni amalga oshirish maqsadga muvofiqdir deb o‘ylaymiz:
-umumkasbiy va ixtisoslik fanlarni integratsiyalash va uzviyligini ta’minlash bilan birga innovatsion faoliyatga tayyorlashga yo‘naltirish;
-umumkasbiy va ixtisoslik fanlarining mazmunini ta’limning rivojlanish tendensiyalari va ta’lim innovatsiyalari asosida takomillashtirib borish;
-o‘qitishning zamonaviy texnologiyalaridan samarali foydalanish o‘quv mashg‘ulotlarida ta’limning ilg‘or texnologiyalari asosida talabalarning faolligiga erishish, ikki tomonlama hamkorlikni ta’minlash, talabalarga ishlab chiqarish amaliyotiga kerak bo‘ladigan bilimlarni bera olish, mustaqillik va onglilik tamoyili asosida kasbiy faoliyatga tayyorlash jarayonini tashkil qilish;
-ixtisoslik fanlarni o‘qitishda xorijiy tajribalarni o‘rganish va ishlab chiqarish amaliyotidagi ilg‘or texnika va texnologiyalar bilan tanishtirish.