Elektronika va avtomatika fakulteti «oliy matematika» kafedrasi «fanlar integratsiyasini ta

Qarshi muhandislik iqtisodiyot instituti

Yo‘nalish nomi	Bosqich	Haftalar soni
5321300- Neft va neft-gazni qayta ishlash texnologiyasi	1-bosqich	2 hafta
	2-bosqich	4 hafta
	3-bosqich	12 hafta
	4-bosqich	10 hafta

Talabalar ishlab chiqarish amaliyotidan ijobiy baho olganidan so‘ng kursdan kursga o‘tkazilib stependiya ta’yinlanadi. To‘rtinchi bosqich talabalari esa ishlab chiqarish amaliyotidan ijobiy baho olganidan so‘ng bitiruv malakaviy ishi himoyasiga ruxsat beriladi.

2.2. O’quv rejadagi fanlarning qiyosiy tahlili

Tadqiqotni olib borish jarayonida muhandislarnini ishlab chiqarish amaliyotiga tayyorlashning zaruriy mazmuni, kasbiy va ishlab chiqarish amaliyotidagi tayyorgarlik darajasi borasidagi takliflari muallifning shaxsan ishtirokida tayyorlangan “5321300 - Neft va neft-gazni qayta ishlash texnologiyasi” ta’lim yo‘nalishining davlat ta’lim standarti mazmuniga singdirildi.

“5321300 - Neft va neft-gazni qayta ishlash texnologiyasi” ta’lim yo‘nalishi bo‘yicha bo‘lajak muhandislarni kasbiy va ishlab chiqarish amaliyotiga tayyorlashda umumkasbiy va ixtisoslik fanlari muhim ahamiyatga egadir. Ularning egallashi zarur bo‘lgan mutaxassislikni o‘rganishning asosini tashkil etadi. Umumkasbiy va ixtisoslik fanlari blokining asosiy vazifalaridan biri aniq bir kasb bo‘yicha talabalarda shakllantirilishi lozim bo‘lgan kasbiy ko‘nikmalar asosini tashkil etuvchi kompetensiyalar tizimini hosil qilishdan iborat.
Umumkasbiy va ixtisoslik fanlarini o‘qitish orqali axborotlashtirish sharoitida muhandislik ta’limi yo‘nalish talabalarining innovatsion faoliyatga tayyorlash metodikasini ishlab chiqish va amalda tadqiq qilish bilan bog‘liq qator savollar yuzaga keladi:
1. Hozirgi zamonaviy sharoitida umumkasbiy va ixtisoslik fanlarini o‘qitish orqali talabalarni ishlab chiqarish amaliyotiga tayyorlashda eng avvalo, o‘qituvchilarda, so‘ngra talabalarda DTSlari bo‘yicha egallangan bilim, ko‘nikma va malakalar asosida qanday kompetensiyalarni shakllantirish zarur?
2. Ishlab chiqarish amaliyotiga tayyorlash uchun qaysi metod va ta’lim tamoyillari asosida qanday takomillashtiriladi?
3. Ishlab chiqarish amaliyotiga tayyorlash metodikasi va o‘quv metodik ta’minot mazmuni qanday bo‘lishi kerak?
4. Ishlab chiqarish amaliyotiga tayyorlashning pedagogik va didaktik shart-sharoitlari qanday bo‘lishi lozim?
Yuqoridagi savollarga javob topish maqsadida bir qator oliy ta’lim muassasalaring 5321300 - Neft va neft-gazni qayta ishlash texnologiyasi ta’lim yo‘nalishlari o‘quv rejalaridagi fanlar mazmuni, ularga ajratilgan soatlar miqdori tahlil qilindi.