Электр курилмаларини эксплуататция килишда хавфсизлик техникаси коидалари

§ 2. Хавфсизлик шиорларини осиш, иш жойини тўсиш

140. Ёкилиши билан иш жойига кучланиш берилиши мумкин бўлган ажратгич, узгич ва кувват зчиргичларининг юритмаларига, узокдан бошкарувчи тугмачалар ва калитларни, 1000 В кучланишгача бўлган коммутацион аппаратларга (автоматлар, рубильниклар, ўчирличларга) “Уламанг! Одамлар ишламокда!” деган шиорлар осиб кўйилиши зарур.

1000 В кучланишгача бўлган автомати, рубильниги ва ўчиргичи бўлмаган бирикмаларда шиорлар саклагичлар олиб кўйилган жойларга осилади.
Изоляцион тезкор штангалар билан бошкариладиган ажратгичларда шиорлар тўсикларга, бир кутбли ажратгичларда эса шиорлар хар бир ажратгичнинг юритмасига осилади. Комплект таксимловчи электр курилмаларда шиорлар мазкур коидаларининг 243, 244 бандларга мос равишда осилади.
Ажратгичларнинг пневматик юритмаларига хавони тўсадиган сурилма копкогига “Очманг! Одамлар ишламокда!” деган шиор осилади.
141. ХЛда ёки КЛ да иш бажариш учун ўчирилган ажратгичларнинг юритмаларига ишлаётган бригадаларни сонидан катъий назар битта “Уламанг! Одамлар ишламокда!” деган шиор осилади. Бу шиор иш жойини тайёрлашга фармойиш берувчи ва тармокда ишлаётган бригадаларнинг хисобга олиб турувчи ходимнинг кўрсатмаси бўйича осилади ва ечиб олинади.
142. Кучланиш остида колган ток ўтказувчи кисмларга кўйиш учун вактинчалик тўсиклар ёгочдан ёки бошка изоляцион материаллардан ясалган шчит, ширма, экран ва бошкалар ишлатилиши мумкин.
Кучланишни олмасдан туриб кўйиладиган вактинчалик тўсиклардан ток ўтказувчи кисмгача бўлган масофа мазкур Коидаларнинг 2-иловада кўрсатилган масофадан кам бўлмаслиги керак. 6 -10 кВ кучланишли электр курилмаларда керак бўлиб колган холларда бу масофа 0,35 м гача камайтирилиши мумкин.
Вактинчалик тўсикларга «Тўхта! Кучланиш!» деган ёзув ёзиб кўйилаган ёки керакли хавфсизлик шиорлари махкамланган бўлиши зарур.
143. 6 -15 кВ кучланишли электр курилмаларда ток ўтказувчи кисмларни шчитлар билан тўсишнинг иложи бўлмаган холларда ўчирилган ва кучланиш остида колган кисмлар орасига (масалан, ўчирилган ажратгичнинг контактлари орасига) изоляцион коплагич кўйишга рухсат берилади. Бу изоляцион коплагич кучланиш оситидаги ток ўтказувчи кисмларга тегиб туриши мумкин.
Изоляцион коплагични кўйиш ва олишни электр хавфсизлиги бўйича IV ва III гурухга (улардан бири навбатчи ёки тезкор таъмирлаш ходими) эга бўлган икки киши диэлектрик кўлкоп ва изоляцион штанга ёки махсус омбир ёрдамида бажарилиши зарур.
144. Иш жойи билан чегарадош хужра, шкаф ва панелларнинг тўсикларига «Тўхта! Кучланиш!» деган шиор осиб кўйиш зарур.
146. ОТК да пойдеворларга ва алохида конструкцияларга ўрнатилган жихозларда ерда туриб ва жихозларнинг ўзида иш бажарилганда иш жойи ўсимлик ёки синтетик толалардан килинган мустахкам ип ёки шнурлар билан орасидан ўтиш учун очик жой колдирилиб тўсилган бўлиши, тўсилган майдон ичига каратиб тўсикларга «Тўхта! Кучланиш!» деган шиорлар осилиши зарур.
Арконларни боглаш учун мўлжалланган майдондан ташкаридаги, уларнинг ўралган майдондан ташкарида колиш шарти билан, курилмалардан фойдаланишга рухсат этилади.
Бутун ОТК нинг барча ускуналаридан кучланиш олинганда, тармок ажратгичдан ташкари, ажратгич ўрнатилган курилмалар аркон билан тўсилиб ташкари тарафдан «Тўхта! Кучланиш!» деган шиор осиб кўйиш зарур. Фармойиш билан ОТКнинг иккиламчи занжирларида бажариладиган ишларда тўсиклар кўйиш талаб килинмайди.
146. ХЛ ва КЛдан ташкари, электр курилмаларда иш бажариш учун тайёрланган иш жойларига «Шу ерда ишланг!» деган шиор осилиши зарур.
147. Очик таксимловчи электр курилмаларда иш жойига ўтиш мумкин бўлган иш жоийга чегарадош, кучланиш остида бўлган участкалардаги конструкцияларга кўзга яккол кўринадиган «Тўхта! Кучланиш!» деган шиор осилиши зарур. Бу шиорларни ишлашга рухсат берувчи рахбарлигида электр хавфсизлиги бўйича III гурухга эга бўлган таъмирлаш ходими кўйиши мумкин.
Юкорига чикишга рухсат этилган конструкциялар ёнидаги бошка барча конструкцияларнинг пастига «Чикма! Ўлдиради!» деган шиор осилади.
Иш бажариш учун юкорига чикишга рухсат берилган доимий курилма ва нарвонларга «Шу ердан чик!» деган шиор осилиши зарур.
148. Иш хажми тўлик тамом бўлмагунча иш жойини тайёрлаш пайтида кўйилган тўсиклар ва шиорларни олиб ташлаш ёки бошка ерга кўчириш ман килинади.