Elektr energiyasi va nasos stantsiyalaridan foydalanish kafedrasi "tasdiqlayman"

Ikkinchi bosqich(1941-1950 yillar). Ushbu bosqich Markaziy Osiyo
energetikasi, xususan Oʻzbekiston energetikasi uchun ham eng mas’uliyatli
davrlardan biri boʻldi. CHunki ikkinchi jahon urushi boshlanishi bilan juda koʻp
mudofaa korxonalari Oʻzbekistonga koʻchirib keltirildi. Ularni juda qisqa vaqt
ichida ishga tushirib, front uchun qurol-aslaha ishlab chiqarishni yoʻlga qoʻyish
zarur edi. Mudofaa korxonalarini ishga tushirish uchun esa katta miqdorda
energiya talab qilinardi. SHuning uchun Oʻzbekistonda juda qisqa vaqt ichida
CHirchiq-Boʻzsuv suv yoʻlida va boshqa suv yoʻllarida koʻplab GESlar loyiha
qilindi va qurildi.
Bir yil(1943-1944yil 15 oy)da Salor GESi hamda (1942-1943 yillar-da) 3-Oqqovoq GESi qurilib ishga tushirildi. Urish ketayotgan bir vaqtda shu davr uchun
eng katta hisoblangan 126 000 kVt/soat quvvatli Farhod GESi qurilishi boshlandi.
1943 yili xalq hashari yoʻli bilan boshlangan quri-lish, 1949 yili tugatildi.
Bu davrda loyihachilar va quruvchilar texnik hamdaishlab chiqarish masalalarini hal qilishda juda katta bilimdonlik hamda jonbozlik koʻrsatdilar. Natijada iqtisodiy arzon va noyob echimli gidrotexnik inshootlar, qurilish-montaj ishlari amalga oshirildi. Masalan, yangi, minorali suv tashlagichlarni, arzon turdagi suv energiyasini soʻndiruv-chilarni, armatura-g‘ishtli va yig‘ma temir-beton konstruksiyalarni, tuproq toʻg‘onlar qurishdagi «hoʻl usulni», opalubkasiz betonlashni, energetik jihozlarni bir-biriga montaj qilish(ulash)ni va boshqalarni
koʻrsatish mumkin.
1948 yili Oʻzbekiston energetiklari eng ulkan yutuqni qoʻlga kiritdilar.
Farhod GESining birinchi agregati ishga tushirildi, natijada Mirzachoʻl va
Dalvarzin choʻllaridagi 500 000 gektar erlarni Sirdaryo suvi bilan sug‘orish imkoni
tug‘ildi. Hammasi boʻlib bu bosqichda 296 000 kVt-/soat quvvatga teng boʻlgan 26
dona GESlarning qurilishi boshlanib, ulardan 285 000 kVt/soat quvvatga teng
boʻlgan 21 dona GES qurilib ishga tushirildi.