Elektr energiyasi va nasos stantsiyalaridan foydalanish kafedrasi "tasdiqlayman"

Beshinchi bosqich(1971-1980 yillar). Bu bosqich Markaziy Osiyoning
ulkan gidrouzellarida hali toʻliq qurib bitkazilmagan toʻg‘onlardagi birinchi
agregatlarni past bosimlarda ishga tushirishni nishonlashdan boshlandi.1971
yilning boshida CHorvoq GESi, 1972 yilning oxirida Nurek GESi va 1975 yilning
boshida Toxtag‘ul GESlarining birinchi agregatlari ishga tushirildi. 1972 yilning
iyul oyida CHorvoq GESining 600 000 kVt-/soat quvvatga teng toʻrtala agregati
ham ishga tushirildi.
1973 yilning may oyida, Nurek GESining 300 000 kVt/soat quvvatli uch
dona agregatlariga vaqtinchalik ish g‘ildiraklari oʻrnatilib, past bosimlarda ishga
tushirildi. 1976 yilning oxirida 300 000 kVt/soat quvvatli bir dona agregati hisob
sxemasi boʻyicha ishga tushirildi, 1979 yilda esa Nurek GESi toʻliq quvvat bilan
ishlay boshladi.
1979 yili Toxtag‘ul GESining umumiy quvvati 1 200 000 kVt/soat boʻlgan
toʻrtala agregati ham ishga tushirildi. 1976 yilda Norin daryosida 800 000 kVt/soat
quvvat olishi rejalashtirilgan Kurupsoy GESining qurilishi boshlab yuborildi.
1976 yilning oktyabr oyida Markaziy Osiyoda eng katta quvvatli Rogun
GESini qurishga tayyorgarlik ishlari boshlab yuborildi. Vaxsh daryosiga
quriladigan, umumiy quvvati 3 600 000 kVt/soatga moʻljallangan GES
toʻg‘onining balandligi 335 m boʻlib, mahalliy qurilish materiallaridan barpo
qilish rejalashtirilgan edi.
Hozirgi kunda Rogun GESi suv ombori quriladigan stvorda tuzli qatlamlar
borligi hamda suv ombori kuchli zilzilalar roʻy beradigan hududda joylashganligi
sababli, mamlakatimiz mutaxassislari ushbu GESni qurish maqsadga muvofiq
emasligini isbotlashdi. YUqorida keltirilgan yoki boshqa sabablarga koʻra falokat
roʻy bergan taqdirda, ushbu gidrografik zonada joylashgan Turkmaniston,
Tojikiston va Oʻzbekiston mamlakatlariga juda katta zarar etkaziladi [17].
1976 yilda CHirchiq daryosiga qurilgan Xoʻjakent GESining quvvati 55 000
kVt/soatdan boʻlgan uch dona agregati ishga tushirildi va 120 000 kVt-/soat
quvvatli G‘azalkent GESining qurilishi boshlab yuborildi. SHu yili Oqboʻra
daryosida balandligi 120 m, hajmi uncha katta boʻlmagan Papan suv ombori
qurilishi ham boshlab yuborildi. Amudaryodagi Tuyamoʻyin gidrouze-lidagi
150 000 kVt/soat quvvatli GESning qurilishi davom ettirildi.
Bu bosqichda hammasi boʻlib umumiy quvvati 4 835 000 kVt/soat quv-vatli
5 dona yangi GESlarning qurilishi boshlanib, ulardan 3 175 000 kVt-/soat quvvatli
4 dona GES qurilib ishga tushirildi.