Elektr energiyasi va nasos stantsiyalaridan foydalanish kafedrasi "tasdiqlayman"

Birinchi bosqich(1923-1941 yillar). Markaziy Osiyoda birinchi boʻlib Toshkent shahridan oʻtadigan Boʻzsuv kanaliga 4 000 kVt/soat quvvatga ega
boʻlgan Boʻzsuv GESi qurilishi boshlandi. Boʻzsuv GESi 1926 yili 1 mayda ishga
tushirildi. 1930 yilda Boʻzsuv kanalida 13 000 kVt/soat quvvatli Qodriya
GESining qurilishi boshlandi va 1933 yili ishga tushirildi.
Bu bosqichda Markaziy Osiyo, xususan Oʻzbekistondagi suv yoʻllariga
GESlar qurish mumkinligi asoslandi hamda Farg‘ona va Marg‘ilon shaharlarini
elektr energiyasi bilan ta’minlash uchun Isfayram soyga quriladigan Isfayram
GESi, Samarqand shahrini elektr energiyasi bilan ta’minlash uchun Darg‘om
kanaliga quriladigan Xishrau GESning loyihalari ishlab chiqildi [16].
CHirchiq daryosida quriladigan Tavoqsoy va Komsomol GESlari uchun
loyiha-qidiruv ishlari amalga oshirildi. 1932 yildan CHirchiq daryosiga quriladigan
GESlar kaskadi qurilishi boshlandi.
Markaziy Osiyo suv yoʻllariga quriladigan GESlarni loyiha-qidiruv va
loyiha ishlarini amalga oshirish uchun 1930 yilda «Sredazgidroproekt» instituti
tashkil qilindi. Ushbu institut Boʻzsuv kanalida 1933 yilda qurilishi boshlangan va
1936 yilda ishga tushirilgan 8 000 kVt/soat quvvat-li Boʻrjar GESi hamda 15 000
kVt/soat quvvatli Oqtepa GESi uchun ishchi chizmalarni tayyorladi. Oʻnlab kichik
qishloq GESlari loyihalandi va qurildi.
Birinchi bosqichda Markaziy Osiyo boʻyicha 120 000 kVt/soat quvvatga ega
boʻlgan 9 dona GESlar qurilishi boshlanib, 76 500 kVt/soat quvvatga teng boʻlgan
7 dona GESlar ishga tushirildi.