Elektr energetikada nazorat bo‘yicha davlat inspeksiyasi boshlig‘ining

Oltingugurt vodorodi H₂S — rangsiz yonuvchi gaz, sasigan tuxum hidiga ega, havodan biroz og‘irroq. Zaharli, nerv tizimiga ta’sir qiladi, nafas olish yo‘llari va ko‘zlarga ta’sir qiladi (qichitadi).

Havodagi tarkibidagi oltingugurt vodorodi hajmi bo‘yicha 4,3 — 45,5 foizni tashkil etsa portlash xavfiga ega bo‘lgan aralashma hosil bo‘ladi.

Himoya vositasi — V, KD markapi filtrlovchi gaz niqoblari.

Ammiak NH₃ — rangsiz, yonuvchan, o‘ziga xos o‘tkir hidli gaz, havodan yengil, zaxarli, ko‘z va nafas olish yo‘llariga ta’sir qiladi (qichitadi), odamni bo‘g‘adi. Havodagi tarkibidagi ammiak hajmi bo‘yicha 15—28 foizni tashkil etsa portlash xavfiga ega bo‘lgan aralashma hosil bo‘ladi.

Himoya vositasi — KD markali filtrlovchi gaz niqoblari.

Vodorod N2 — rangsiz, yonuvchi, mazasi va hidi yo‘q gaz, havodan ancha yengil. Vodorod fiziologik inert gaz, biroq konsentratsiyasi yuqori bo‘lganda havo tarkibidagi kislorod kamayishi oqibatida odamni bo‘g‘ib qo‘yishi mumkin. Tarkibida kislota bo‘lgan reagentlar, zanglashga qarshi qoplamasi bo‘lmagan sig‘imlarning metall devorlari bilan bir-biriga tekkanda vodorod hosil bo‘ladi. Havo tarkibida hajmi bo‘yicha vodorod 4 — 75 foizni tashkil etsa portlash xavfiga ega bo‘lgan aralashma hosil bo‘ladi.