Elektr energetika

KIRISH. GIDROENERGETIK QURILMALARNING ELEKTR QISMI RELE HIMOYASI VA AVTOMATIKASI

FANIDAN LABORATORIYA ISHLARINI BAJARISH QOIDALARI

1. Laboratoriya ishlarini bajarishdan maqsad – rele, rele himoyasi va avtomatika sxemalarini amaliy ravishda o‘rganish va ularni mustaqil ravishda sinash va tekshirish ko‘nikmalarini hosil qilish.

2. Laboratoriya ishlarini bajarish oldidan talabalar xavfsizlik texnikasi qoidalari bilan tanishadilar.

3. Har bir laboratoriya ishini belgilangan reja asosida 3–4 talaba birgalikda bajaradi.

4. Bo‘lajak laboratoriya ishi uchun topshiriqni va uning nazariy qismini o‘rganish laboratoriya mashg‘ulotigacha bajarilishi kerak. Bunda talabalar tegishli adabiyotlar bilan tanishadilar, sinash va tekshirish uchun sxemalarni tuzadilar va jadvallarni tayyorlaydilar.

5. Laboratoriya ishlarini bajarish davomida talabalar:

–mustaqil ravishda sinash sxemalarini yig‘adilar va tekshiradilar.

O’qituvchi tekshirmaguncha va ruxsat bermaguncha yig‘ilgan sxemaga kuchlanish berish qat’iyan man qilinadi .

–rele va boshqa apparatlarning ishdan chiqishiga olib keluvchi katta kuchlanish va tok berilmasligi kerak.

–tajriba natijalarini tahlil qiladilar va bajarilgan ish bo‘yicha xulosalarga keladilar.

–ishni bajarishda aktiv qatnashadilar.

6. Laboratoriya ishi bajarilgandan keyin, olingan natijalar o‘qituvchiga ko‘rsatiladi va ish o‘rni tartibga keltiriladi.

7. Bajarilgan ish bo‘yicha hisobot navbatdagi darsdan oldin o‘qituvchiga ko‘rsatiladi. Hisobotda asosan quyidagilar keltiriladi:

–laboratoriya ishining tartib raqami va nomi:

–ishni bajarishdan maqsad:

–tekshirilgan avtomatika qurilmalari va relelarning pasport ma’lumotlari:

–tajriba sxemalari:

–tekshirilgan avtomatika qurilmalari va relelarning ishlashini xarakterlovchi jadvallar va grafiklar:

–bajarilgan ish bo‘yicha xulosalar.