ƏLƏKBƏr MƏMMƏdov ceyhun yusifov iLqAr Seyfullayev vergİ

Vergİ VƏ TƏrƏqqİ

---

Digər tərəfdən, bu göstərici insanın öz həyatından məmnunlu -
ğunun dərəcəsini göstərir. İnsanların fərdi tələbat və maraqlarının
müxtəlifliyi və onların ödənilmə səviyyəsinin subyektivliyi həyat
keyfiyyəti anlayışının subyektiv xarakter daşımasını şərtləndirir.  
“Həyat səviyyəsi”, “yaşayış dəyəri”, və “həyat keyfiyyəti”
anlayışlarının  hər  biri  insanın  həyat  fəaliyyətinin  müxtəlif
səviyyələrini xarakterizə edir, fərdin yaşayışının iqtisadi, sosial,
mənəvi və ekoloji tərəflərini əks etdirir. Bu anlayışların hər birini
birləşdirən əsas kateqoriya isə rifahdır.
Bir çox tədqiqatçılar rifahı yuxarıda göstərilmiş anlayışları
özündə  birləşdirən  sistemli  törəmə  kimi  tədqiq  etməyi  təklif
edirlər.  Həmin  anlayışlar  eyniliyin  müxtəlif  cəhətləri  olaraq
müstəqil  göstəricilər  kimi  də  əhəmiyyət  kəsb  edirlər.  Belə
yanaşma rifaha sistemli yanaşmanın təzahürü olaraq qəbul edilə
bilər.  İstehsal  səviyyəsini  əks  etdirən  kəmiyyət  göstəriciləri
insanın tələbatların ödənmə səviyyələri üzrə hərəkəti zamanı
hansı dəyişikliklərə məruz qaldığını, və beləliklə, onun tələbatla -
rında baş verən keyfiyyət dəyişikliklərini əks etdirmir.  
Göründüyü kimi, həm rifah, həm də onun təşkilediciləri olan
“həyat  səviyyəsi”,  “yaşayış  dəyəri”,  və  “həyat  keyfiyyəti”
göstərcilərinin dərk edilməsində tələbat anlayışının məzmunu
xüsusi əhəmiyyət kəsb edir. Müasir insanın tələbatlarının forma -
laş ması amillərinin tədqiqi  məhz bu zərurətdən doğur.