Экология ҳуқуқи

Ушбу муаммоли вазиятни Ўзбекистон Республикаси қонун ҳужжатларига мувофиқ ҳал қилинг.
М.Мирзаабдуллаева
15.	Қашқадарё вилоятининг Чироқчи туманида яшовчи фуқаро О.Рўзиев 10 гектар худудни ўз ичига олган “Амир Темур” номли сиҳатгох масканини ташкил этди. У ташкил этган сиҳатгох масканида шифобахш булоқ чиқиб ундан инсонларнинг соғлиғи учун фойдаланилар эди. Шунингдек, фуқаро О.Рўзиев ташкил этган “Амир Темур” номли сиҳатгох маскани ёнидан катта канал оқиб ўтган бўлиб ушбу канал унинг сиҳатгохи ҳудудидан ўтмаган эди. Фуқаро О.Рўзиев сиҳатгохга келганларга уч маҳал овқат билан таъминлаш мақсадида сиҳатгоҳнинг 2 гектар ерида у қишлоқ хўжалиги махсулотлари, яъни картошка, пиёз, помидор каби сабзавотларни етиштира бошлади. Фуқаро О.Рўзиев мазкур қишлоқ хўжалиги махсулотлари экинларига сувни сиҳатгоҳининг ёнидан оқиб ўтувчи катта каналдан олар эди. Маълум вақтдан сўнг Сув хўжалиги вазирлигининг инспекторлари келиб фуқаро О.Рўзиев ташкил этган сиҳатгони текширишганда сиҳатгохни ташкил этиш билан боғлиқ ҳужжатлар жойида аммо сув объектларидан фойдаланишга оид ҳужжатларнинг йўқлигини аниқлади. Фуқаро О.Рўзиев эса булоқ ҳоким қарори асосида ажратиб берилган 10 гектар ер участкаси ичида эканлигини шу сабабли булоқдан фойдаланишга ортиқча хужжат керак эмаслигини айтди ва сиҳатгох ёнидан оқиб ўтувчи канал умумий фойдаланиш объекти бўлганлиги учун ҳам хеч қандай ҳужжатлар керак эмаслигини айтиб уларга тушунтириш берди. Сув хўжалиги вазирлигининг инспекторлари эса фуқаро О.Рўзиевнинг тушунтиришига эътироз билдириб сувдан фойдаланиш учун тегишли ҳуқуқий ҳужжат талаб қилди. Ушбу муаммоли вазиятни Ўзбекистон Республикаси қонун ҳужжатларига мувофиқ ҳал қилинг.	Х.Тухташев
16.	Тошкент вилоятининг Бўстонлиқ туманида яшовчи фуқаро С.Раупов доривор ўсимликларни йиғиш билан шуғулланиб келган. Шунингдек, фуқаро С.Раупов қўшимча даромад олиш мақсадида ёввойи ўсимликлардан экстракт ишлаб чиқашни йўлга қўйиш мақсадида кичик корхона ҳам очди. Унинг корхонаси ёввойи ўсимликлардан турли хил экстрактларни ишлаб чиқара бошлади.Унинг қўшниси фуқаро О.Қўлдошев туман ўрмон хўжалиги давлат қўмитасининг инспектори бўлиб ишлар эди. Маълум вақт ўтгандан сўнг, О.Қўлдошев С.Рауповни йўлда кўриб унга бир неча танбеҳларни бериб, яъни доривор ўсимликларни йиғиш ва уларни қайта ишлаш рухсатнома асосида амалга оширилишини тушунтириб уни мазкур ҳолат бўйича огоҳлантиради. Фуқаро С.Раупов эса унинг гапларига парво қилмади Шундан сўнг, С.Рауповнинг тадбиркорлик фаолияти Тошкент вилояти экология ва атроф муҳитни муҳофаза қилиш қўмитаси ва ўрмон хўжалиги давлат қўмитаси инспекторлари томонидан текширилди.