Экология ҳуқуқи

Вазиятга ҳуқуқий баҳо беринг.
Р.Кенжаев
7.	Тошкент шаҳар Мирзо Улуғбек туманида жойлашган, лимон етиштиришга ихтисослашган 2 га ер участкаси шаҳарнинг бош қурилиш режасига ўзгартириш киритилганлиги муносабати билан давлат ва жамоат эҳтиёжлари учун олиб қўйилди. Ушбу ер участкасидан ижара ҳуқуқи асосида фойдаланиб келаётган Алимов Р. Фуқаролик ишлари бўйича Мирзо Улуғбек туманлараро судига мурожаат қилиб, туман ҳокимияти устидан даъво аризаси топширди. Унда кўрсатилишича, ушбу ер участкасидан қишлоқ хўжалик мақсадларида фойдаланилаётганлиги учун олиб қўйилиши мумкин эмас, бундай ерлардан фойдаланиш мақсадини фақат Ўзбекистон Республикаси Вазирлар Маҳкамаси қарори билан ўзгартириш мумкин. Ўз навбатида Мирзо Улуғбек туман маҳаллий давлат ҳокимияти органи амалдаги қонунчиликка кўра, шаҳарнинг бош қурилиш режаси ўзгартирилиши ер участкасини давлат ва жамоат эҳтиёжлари учун олиб қўйишга асос бўлишини, ер эгасига келтирилган зарар бундай ҳолларда қопланмаслигини маълум қилди. Вазиятга ҳуқуқий баҳо беринг. Қишлоқ хўжалигига мўлжаллланган ерларнинг муҳофазаси, уларни бир тоифадан иккинчи тоифага ўтказиш масаласи қандай ҳал қилинади? Бундай ерлар давлат ва жамоат эҳтиёжлари учун олиб қўйилиши мумкинми? Агар олиб қўйилса келтирилган зарар қандай тартибда қопланади?	Г.Узакова
8.	2020 йил 20 август куни Қашқадарё вилояти Китоб туман Паландара МФЙ Ваткана қишлоғининг Қорахон тоғи ён бағрида табиий ҳолда ўсган дўлана дарахтларини А.Б ва А.У исмли фуқаролар ноқонуний равишда кесиб олаётганлиги аниқланди. Экологоия ва атроф мухитни мухофаза қилиш давлат қўмитасининг Қашқадарё вилоят бошқармаси инспекторлари томонидан фуқароларга атроф муҳитни муҳофаза қилиш қонунлари ва ўсимлик дунёсининг табиатдаги ўрни тушунтирилди. Табиатнинг бебаҳо неъматлари бўлган дарахтларни кесган фуқароларга нисбатан тегишли тартибда маъмурий баённома расмийлаштирилди.