Ә. Ә ж и н и я зо в. Қ о с ы ғы м а с а й ы л м а н

---

---

Әскербай ӘЖИНИЯЗОВ
ҚОСЫҒЫМА
САЙЫЛМАН
некие
«БИЛИМ»
2016

---

УОК 821.5. 
Ә. Ә ж и н и я зо в . Қ о с ы ғы м а с а й ы л м а н .
512.12-1 
Некие, «Билим»баспасы, 2016-жыл. 120бет. 
КБК 5 Қар
Ә — 45 
УОК 8 2 1 .5 .
512.12-1 
КБК 5 Қар 
Ә - 45
2009-жылы шайырдыц «Аманат» атлы китабы жарық көрген 
еди. Қолыцыздағы китапта сол «Аманат»тан серелеп алынған 
қосықлар киргизилип отыр. Баспа жәмәәти алдағы ўақытлары 
шайырдық басқа да қосықларын жәриялаўды режелестиреди.
Баспага таярлаған ҳәм қайы рқом лы қ еткен
Камал Палымбетов 
Зыяда Бекбергенова
15ВЫ 978-9943-18-20 4
© Өсклрблй Ожимиизов, 
2016
.
ю «Ьииим» н.ииасм, 2016.

---

И. Юсупов
ӘСКЕРБАЙ АЛПЫС ЖАСЫНДА
Ҳәй сақый, қуй қәне бир кәса шарап,
Қуры хошеметти сүймес Әскербай,
Журтлар бул дүньяньщ жүзине қарап,
Күйсе күйе берсин, күймес Әскербай.
Бул бенделер бири-бирин қыйнасып,
Жүре берсин гә айтысып, сыйласып,
Ялғаншыны сирисинен бир басып,
Жыртық ботинкидей кийер Әскербай.
Шахаман елинде енеден туўып,
Қосық қоян болса ийт болып қуўып, 
Ғам-қайғыны бир қос шаршыға түйип,
Ертеде дәрьяға атқан Әскербай.
Дәрўиш дейин десем, қылқа тоны жоқ,
Мәжнүн дейин десед, Ләйли яры жоқ,
Шайырлар бар қосығыныд дәми жоқ,
Олардай биймәни емес Әскербай.
Бир ақкан суў қайтып ақпас салмадан,
Жасаў бендесинен, өмир-алладан,
Қарақалпақта Омар Ҳайям болмаған,
Ец болмаса, болсын мейли Әскербай.
Ҳәй сақый, қуй және бир кәса шарап,
Ертец таптырмайды бүгинги қонақ,
Не қыламыз жасы қанша деп сорап,
Сол шалқыўы менен өтсин Әскербай.
1997-жыл