Е. Б. Бабский, А. А. Зубков, Г. И. Косицкий, Б. И. Ходоров

Вегетатив ганглийлар (тугунлар) классификацияси
Вегетатив ганглийлар (тугунлар) локализациясига қараб умуртқа (вертебрал), умуртқадан олдинги (превертебрал) ва орган ичидаги (интрамурал) ганглийлар деган учта группага ажратилиши мумкин.
Вертебрал ганглийлар симпатик нерв системасига мансуб бўлиб, умуртқа поғонасининг икки томонида ётади ва иккита чегара стволни ҳосил қилади (уларни симпатик занжирлар деб ҳам юритишади). Вертебрал ганглийлар орқа мияга толалар билан боғланган, бу толалар бирлаштирувчи оқ ва кул ранг тармоқларни ҳосил қилади. Симпатик нерв системасининг преганглионар толалари бирлаштирувчи оқ тармоқлар —rami cоmmunicantes albae— орқали тугунларга боради. Постганглионар симпатик нейронларнинг толалари тугунлардан ё мустақил нерв йўллари орқали, ёки симпатик нервлар таркибида периферик органларга боради. Кейинги ҳолда чегара стволларнинг тугунларидан бирлаштирувчи ингичка кул ранг тармоқчалар — rami cоmmunicantes grisae шаклида соматик нервларга боради (уларнинг кул ранги постганглионар симпатик толаларда миелин пардалар йўқлигига боғлиқ). Бу толаларнинг йўлини 258- расмдан кўриш мумкин.
Аксари симпатик преганглионар нерв толалари чегара ствол тугунларида узилади; бу толаларнинг озгина бир қисми чегара стволда узилмай ўтиб, превертебрал ганглийларда узилади.
Превертебрал ганглийлар умуртқа поғонасидан чегара ствол ганглийларига нисбатан узоқроқ масофада жойлашади, шу билан бирга
ўзидан иннервация олувчи органлардан ҳам бир қадар узоқ туради. Превертебрал ганглийларга киприксимон тугун, бўйиннинг юқори ва ўрта симпатик тугунла-ри, қуёшсимон чигал, ичактутқичнинг юқори ва пастки тугунлари киради. Чегара ствол тугунларида узилмай келган симпатик преганглионар толалар киприксимон тугундан бошқа ҳамма тугунларда узилади. Кўз мускулларини ниннервациялайдиган парасимпатик преганглионар толалар эса киприксимон тугунда узилади.
Орган ичидаги ганглийларга ички органлардаги чигаллар киради, нерв ҳужайраларига бой бўлган чигаллар