Е. Б. Бабский, А. А. Зубков, Г. И. Косицкий, Б. И. Ходоров

233-расм .Мушук миясининг схематик тасвири.мия стволидаги ретикуляр формациянинг осонлаштирувчи (+) ва тормозловчи(-) зоналари.
Тормозловчи йуллар-—1 кортикоретикуляр йул 2 — каудатоспинал йўл 3-— миячаретикуляр йўл 4 — ретикулоспинал йўл.
Осонлаштирувчи йуллар- 5-ретикулоспинал йул 6-вистибулоспинал йул
Урта миянинг баъзи қисмлари шикастланганда асосан букувчи мускуллар ригидлиги рўй беради.Урта миянинг ретикуля формацияси озгина зарарланганда фақат бир оёқ ригидлиг келиб чиқиши мумкин
Ретикуляр формациянинг мускул тонусига таъсир этиш механизми таъсир этиш механизми
Р. Гранит ишлари туфайли маълум бўлиб қолди. Орқа миянинг гаммамотонейронлари активлиги ретикуляр формация таъсирида ўзгаришини Р. Гранит кўрсатиб берди. Гаммамотонейронлар мускул дугларининг периферик қисмларидаги мускул толаларини иннервациялайди. Уларнинг шундай ном билан аталганига сабаб шуки, гаммаэфферентлар деган аксонлари Аγ типдаги ингичка толалар бўлиб, қўзғалишни скелет мускулларининг мотор толаларига нисбатан секинроқ ўтказади.
Юқорида айтилганидек, гаммаэфферентлар мускул дугларидаги мускул толаларининг қисқаришига сабаб бўлиб, уларни таранглайди ва мускул дугларининг ядро халтасидаги рецелторлардан афферент импульслар келишини шу тариқа кучайтиради. Мускул дугларидан афферент импульслар орқа мияга доимо киравериб, альфамотонейронларни қўзғатади, бу эса мускуллар тонусининг сабаби ҳисобланади. Орқа миянинг орқа илдизлари қирқиб қўйилганда мускул тонусининг йўқолиши мускул тонусида афферент импульсларнинг роли борлигини кўрсатади. Мускул дугларидан афферент импульслар келиб туришини эса ўз навбатида гаммамотонейронлар идора этади.
Шундай қилиб, орқа мия нейронлари билан скелет мускуллари ўртасида мураккаб ўзаро муносабатлар ва қайтар алоқалар бор. Бу ўзаро муносабатларни ретикуляр формация идора этади, у гаммамотонейронларга таъсир этиб, мускул дугларидан келувчи афферент импульслар оқимини ўзгартиради ва шу билан мускуллар тонусига таъсир этади.
Мускуллар тонусини ўрта мия қопқоғи иккита ретикулоспинал йўл — тез ўтказувчи ва секин ўтказувчи йўллар орқали идора этади. Илдам ҳаракатларни контроль қилувчи импульслар биринчи (тез ўтказувчи) йўлдан, суст тоник қисқаришларни контроль қилувчи импульслар эса иккинчи (секин ўтказувчи) йўлдан ўтади.
Ретикулоспинал механизмларни бош мйя катта ярим шарлари пўстлоғи ва мияча доимо контроль қилиб туради.