Дунёнинг ривожланган давлатларида таълим тизими режа

АҚШда олий таълим тизими
АҚШда биринчи навбатда ОТМнинг тўлақонли дипломи олингач, бакалавр ўзининг мутахассислитги бўйича ишга кириши мумкин. Кейинги босқич — магистр билимни чуқурроқ эгаллаши, яна бошқа мутахассислик олиши, фалсафа доктори (PhD) эса ОТМда ишлаши ва илмий тадқиқотлар билан шуғулланиши мумкин.
АҚШнинг ОТМга бакалавриат даражасини олиши учун қўлига ўрта мактабни тугатганлик ҳақидаги аттестатни олиши етарли. Ўқиш 4 йилгача давом этади, яна бир жиҳат, талаба маълум мутахассисликни бирданига эмас, бир-икки йил ўқигандан кейин ҳам танлаши мумкин. АҚШ олий таълим муассасаларида мутахассисликка нисбатан қатъий стандартлар бўлмасдан, унинг ўрнига қатор (бир қисми муҳим, қолганлари аҳамиятсиз) фан (модул)лар қўйилади. Бунда талабанинг танлаш имконияти бор. Ўқув гуруҳлари ўртасида жиддий бўлинишлар йўқ. Масалан, АҚШнинг нуфузли университетидан бири — Оригон Штати университетида биринчи икки йилда BS Entrepreneurship дастури асосида бакалаврнинг барча йўналишлари, шунингдек, бизнес бўйича ҳам базали фанлар ўқитилади. Талабалар тадбиркорлик мутахассислиги бўйича кўплаб фанларни 3 ва 4 курсларда ўтишади.
Америка коллежларида ўқиш талабалардан кўпроқ мустақил фаолият юритишни талаб этади. Шунингдек, Америка ОТМларида ўқиш шахсий режалар асосида амалга оширилади. Бакалавр даражасини олиш учун ўтилган назарий ва амалий машғулотлар асосида (“кредит” ҳам деб номланади) маълум соатлар тўплаш керак. Талаба қанча кредит тўплаши, баҳоланиши ҳақида келсак, АҚШ олий таълим муассасаларида талабанинг ўзлаштирилишини семестрлардаги имтиҳонлар, лойиҳаларни ҳимоя қилиш асосида амалга оширилади. Баҳолаш тизими — беш баллик бўлиб, у A, B, C, D, E деб номланади.
Ўзлаштириш натижавий кўрсаткич — GPA (Grade Point Average) бўлиб, рақамли аҳамиятга эга.

Европа – АҚШ модуль тизими ва уни ижтимоий-гуманитар фанларни ўқитилишида жорий этилиши
Ишдан мақсад: Ижтимоий-гуманитар фанларни ўқитишда хорижий методлардан фойдаланиш
Масаланинг қўйилиши: Ижтимоий-гуманитар фанларининг сифат кўрсаткичларини Европа модуль тизими асосида юқори даражага кўтариш.