Дудуқланиш. Дудуқланувчи болалар билан олиб бориладиган коррекцион-педагогик ишлар

Дудуқланиш. Дудуқланувчи болалар билан олиб бориладиган коррекцион-педагогик ишлар.

Дудуқланиш – бу нутқ аппарат мускулларининг тортишиши натижасида нутқнинг темп, ритм ва равонлигининг бузилишидир.

Дудуқланиш – бу нутқ аппарат мускулларининг тортишиши натижасида нутқнинг темп, ритм ва равонлигининг бузилишидир.

Дудуқланиш этиологик сабабларига кўра икки типга фарқланади:

• Эволюцион дудуқланиш. Марказий ва периферик нерв тизими нутқий механизмларини органик бузилишлари мавжуд бўлмаган, ёйиқ нутқ формаси шаклланаётган, икки ёшдан 5 ёшгача бўлган даврда юзага чиқади.
• Симптоматик дудуқланиш марказий нерв тизимни органик бузилишлари фонида (асосан, катталарда) юзага келади. (бош мия травмалари, нейроинфекция қон-томирларни шикастланиши). Бир қатор олимлар, дудуқланиш биологик, психологик, ижтимоий омилларга боғлиқ деб ҳисоблайдилар.

Биологик омиллар

• бола ривожланиши билан боғлиқ, дудуқланишга мойиллик;
• 2-5 ёшли болаларда нутқий функцияли бузилишга боғлиқ, марказий нерв тизимини ривожланиши индивидуал хусусиятлари;
• эрта нутқий ривожланиши;
• нутқни тўлиқ ривожланмаганлиги (ўз фикрини баён этиш учун луғат бойлиги ва грамматик воситалар етишмаслиги);
• чапқўлликни тарбиялаш (33% болаларда қайта тарбияланган чапқўлликка дудуқланишни ривожлантиради);
• жинсий деформизм (ўғил болаларда қизларга нисбатан 4 марта кўп дудуқланиш ҳолати мавжуд).
• марказий нерв тизимини органик касалликлари (бош мия шикастланиши ривожланишининг турли босқичларида амалга ошиши мумкин);
• ҳомиладорликни патологик кечиши (механик, химик, эндокрен, инфекцион-шамоллаш жараёнлари);
• туғруқ травмалари;
• соматик мойиллик (инфекцион касалликлар, интонация, турли болалар касалликлари травмалари натижалари).

Психологик омиллар.

• Дудуқланиш юзага келгунга қадар ота-оналар фарзандида ўзига ишонмаслик, қатъиятсизлик, қўрқув, уятчанлик ёки қарама-қарши сифатлар, асабий, негатив, агрессивликка мойиллик белгилари мавжудлигини таъкидлайдилар.