Dts talablari asosida o‘quvchilar

2.1. Kompyuter bilan tanishuv
Kompyuter honasi uchun Xavfsizlik texnikasi qoidalari va sanitariya – gigiyena talablari. Kompyuterning asosiy qurilmalari, ularning vazifalari. Kompyuterning ba’zi qo’shimcha qurilmalari, vazifalari. Klaviaturada ishlashning boshlang’ich saboqlari. Sichqoncha bilan ishlash ko’nikmalari. Kompyuterdagi kalkulyatordan foydalanish ko’nikmalari. Kompyuterda sodda rasmlar hosil qilish. Fikrlashni rivojlantirishga va kompyuter qurilmalari (klaviatura, sichqoncha) bilan ishlash ko’nikmalarini chuqurlashtirishga yo’naltirilgan kompyuter o’yinlari bilan tanishish.
3. O’QUVCHILARNING TAYYORGARLIK DARAJASIGA QO’YILADIGAN ZARURIY TALABLAR
O’quvchilar quyidagi bilimlarga ega bo’lishlari zarur: Kompyuterda ishlashda xavfsizlik texnikasi qoidalarini bilish. Kompyuterning asosiy qurilmalarini va ularning vazifalarini bilish. Windows elementlari (ish stoli, yorliq, fayl, papka, oyna) va ular bilan bog’liq amallarni bilish. Klaviaturadagi klavishlar vazifalarini bilish. Kompyuterdagi kalkulyator dasturi imkoniyatlarini bilish. Grafik muharrir imkoniyatlarini bilish. O’yin dasturlari turlarini bilish.

Quyidagi ko’nikmalarni egallashlari zarur: Kompyuterda ishlashda xavfsizlik texnikasi qoidalariga rioya etish. Klaviatura va sichqoncha bilan ishlash. Sichqoncha bilan Windows oynasi ustida amallar (ochish, yopish, siljitish, o’lchamlarini o’zgartirish, …) bajarish. Kompyuterdagi kalkulyator dasturidan foydalanish. Dasturlarni ishga tushirish va boshqarish.

Quyidagi malakalarga ega bo’lishlari lozim: Sichqonchadan foydalanish. Grafik muharrirda sodda rasmlar hosil qilish.