Дўстов Ҳ. Б. Коррозиядан ҳимоя қилиш

6.9-расм. Водороднинг босими 20 МПа
бўлганда 35 маркали пўлат углеродсиз- 
ланиш чуқурлигининг (мм ларда) 
турли 
температураларда 
вақтга 
боғлиқлиги.
6.10-расм. Водород пўлатга кириш 
чуқурлигининг ундаги хром миқдо-
рига боғлиқлиги. (Н
2
-нинг босими 
30 МПа, синаш вақти 300 соат) 
Ҳосил бўлган сув буғлари металл ичида юқори босим ҳосил қилиши 
туфайли ёриқларнинг ҳосил бўлишига ва металл пластиклигининг 
йўқолишига сабаб бўлади. Бу ҳодисанинг олдини олиш учун қотишмадаги мис 
оксидининг миқдорини камайтириш керак бўлади. Сu
2
О нинг концентрацияси 
0,01 % дан кам бўлганда водород коррозияси ҳодисаси деярли кузатилмайди. 
Аммиакни синтез қилиш жараёнида азот-водород-аммиак аралашмаси 
пўлат учун соф водородга нисбатан хавфлироқ ҳисобланади. Бундай ҳолларда 
водород коррозиясининг барча турларидан ташқари пўлатнинг азотланиши 
ҳам амалга ошади. Аммиак синтези колоннасининг иш шароитида нафақат 
аммиакнинг ҳосил бўлиши, балки металл сиртида атом ҳолдаги азотнинг 
ҳосил бўлиши билан борадиган аммиакнинг диссоциацияланиши юз беради. 
Бунда азот атомлари темир ёки легирловчи элемент атомлари билан ўзаро 
таъсирлашиб нитритлар ҳосил қилади. Натижада пўлатнинг сирти азотга 
тўйиниб, мўрт бўлиб қолади. 
Пўлатлар таркибидаги хром миқдорининг ортиши билан водород ва 
аммиакнинг таъсир даражаси камаяди. Пўлат сиртида 11 % ортиқ хромнинг 
бўлиши қаттиқ ва зич жойлашган нитрит қатламининг ҳосил бўлишига олиб 
келади ва металл ичкарисига азотнинг диффузияланишига тўсқинлик қилади. 
Бунинг тасдиғини 6.10- ва 6.11-расмларда келтирилган маълумотлардан 
кўриш мумкин. 
18Х3МВ русумли пўлатда нитрит қатламининг чуқурлиги 3–4 мм ни 
ташкил қилиб, унинг зичлиги асосий металлникига нисбатан 2 марта катта. 
X18Н10Т пўлатдан тайёрланган деталларда эса нитрит қатламининг 
чуқурлиги 0,3 мм бўлиб, унинг зичлиги асосий металлникига нисбатан 10 
марта катта.