Дўстов Ҳ. Б. Коррозиядан ҳимоя қилиш

Еттинчи бобга тегишли мустақил таълим мавзулари 
1. Темир ва углеродли пўлатларнинг коррозион характеристикалари
2. Замонавий коррозион бардошли пўлатлар. 
3. Рангли металлар асосида олинган қотишмалар ва уларнинг коррозион 
хусусиятлари. 
4. Коррозия маҳсулотлари нима? Занг нима? 
5. Турли хилдаги пўлатларга мисоллар келтиринг. 

---

194 
6. Алюминийнинг қандай қотишмаларини биласиз? 
7. Магний қўшилган конструкцион материалларга мисоллар келтиринг. 
8. Никел қўшилган конструкцион материалларга мисоллар келтиринг.
9. Қалайнинг физик ва кимёвий хоссаларини айтиб беринг. 
10. Рух ва кадмийнинг электрокимёвий ва коррозион хусусиятларини 
тавсифланг. 
11. Тантал қўшилган конструкцион материалларнинг қўлланилиш 
соҳаларини айтиб беринг. 
12. Хастеллой қотишмалари қандай материал ҳисобланади? 
13. Нихромларнинг асосий хоссаларини санаб беринг. 
14. Сулфат ва хлорид кислоталарининг эритмаларида, шунингдек, органик 
кислоталарда бардошли конструкцион материалларга мисоллар келтиринг. 
15. Қўрғошинга теллурнинг қўшилиши унинг коррозион бардошлилигига 
қандай таъсир кўрсатади? 

---

195 
VIII боб. 
 
НОМЕТАЛЛ МАТЕРИАЛЛАР ВА ҲИМОЯ ҚОПЛАМАЛАРИ. 
 
8.1. Ноорганик конструкцион материаллар 
Кимё саноатида металлар ва қотишмалар билан бир қаторда металлмас 
конструкцион материаллар ҳам кенг қўлланилади. Табиий ва саноат 
шароитларда учрайдиган юқори агрессивликка эга бўлган муҳитларда 
легирланган қотишмалардан тайёрланган жиҳозларнинг ҳам хизмат қилиш 
муддати чекланган бўлади. Коррозияга қарши ҳимояни ташкил қилишда 
қўшимча резерв – металлмас материаллар ҳисобланади. Улардан алоҳида 
аппаратлар ёки уларга шиша, ситаллар, винипласт, фаолит, графит каби 
материаллардан қисмлар тайёрланиши мумкин. 
Кўп ҳолларда металлмас материаллар футеровкалар, обкладкалар ва 
бошқа ҳимоявий қопламалар сифатида металл корпусларнинг актив муҳит 
билан контактда бўлмаслиги учун изоляциялаш мақсадида фойдаланилади. 
Кўпинча бундай қопламалар кўп қаватли бўлади. Буларнинг ҳаммаси 
металлмас коррозиябардош материалларнинг хоссалари-ни, коррозияга 
қарши ҳимояни ташкил қилишда улардан фойдаланиш қонун ва қоидаларини 
мукаммал билишни тақозо қилади. 
Нометалл материаллар бир қатор алоҳида хоссаларга эга: иссиқлик 
ўтказувчанликнинг кенг диапазондаги қийматлари; унча юқори бўлмаган 
зичликлар; металлар билан яхши адгезия; агрессив муҳитлардаги 
бардошлилик. Бироқ кўпгина нометалл материаллар, айниқса органик 
авлодлилари фақат 150–200°С ҳароратгача чидайди, ҳароратнинг кескин 
ўзгаришларига бардош беролмайди, механик ишлов беришларга мойил эмас.
Кимёвий таркибига кўра