Диссертацияси илмий раҳбар: и ф. д., профессор О.Қ. Хатамов Тошкент 2020 йил мундарижа

Тадқиқотнинг республика фан ва технологиялари ривожланиши-нинг устувор йўналишларига мослиги. Мазкур диссертация тадқиқоти республика фан ва технологиялари ривожланишининг I.«Демократик ва ҳуқуқий жамиятни маънавий-аҳлоқий ва маданий ривожлантириш, инновацион иқтисодиётни шакллантириш» устувор йўналишига мувофиқ бажарилган.
Муаммонинг ўрганилганлик даражаси. Қишлоқ хўжалиги тармоғининг ижтимоий-иқтисодий ривожланиши ва истиқболларини баҳолаш масалалари кўплаб хорижлик олимлар томонидан ўрганилган. Хусусан: А.Забутый, R.Jochimsen, I.R.Bright, U.Simonis, В.В.Леонтьев³ ва бошқалар назарий тадқиқот олиб борганлар. Уларнинг илмий тадқиқот ишларида асосан қишлоқ хўжалик тармоғини турли йўналишларини ривожлантиришга қаратилган чора-тадбирлар тизими таҳлил этилган.
Мустақил давлатлар ҳамдўстлиги мамлакатлари олимларидан Е.Н.Антамошкина, Т.В.Ускова, Р.Я.Селименков, А.Н.Анищенко, А.Н.Чекавинский, П.В.Лещиловский, В.Г.Гу­саков, Е.И.Кивейша, А.И.Попов, В.С.Балабанов, Е.Н.Борисенко, И.Ушачев, А.С.Воронов, Т.И.Мирзаева, Т.Х.Кастуев⁴ ва бошқалар ўз илмий ишларида қишлоқ хўжалиги тармоғини ривожлантиришдаги муаммоларга алоҳида эътибор қаратганлар.
Мамлакатимиз иқтисодчи олимларидан C.C.Ғуломов, Ё.А.Абдуллаев, Б.Б.Беркинов, Р.А.Алимов, И.Б.Рустамова, Ш.А.Турсунов, А.А.Исаджанов, Р.М.Кенжабоева, Ҳ.П.Абулқосимов, Т.С.Расулов, С.Н.Хамраева, К.Маткаримов, И.Маҳкамов, М.Бекмирзаев⁵ ва бошқаларнинг илмий изланишларида Ўзбекистонда қишлоқ хўжалигини иқтисодий ривожлантириш ва тузилмавий-таркибий ўзгаришларни моделлаштириш ва прогнозлаш масалалари кўриб чиқилган.
Аммо юқорида номлари қайд этилган олимларнинг тадқиқотларида ҳудудлар даражасида истеъмол саватига кирувчи қишлоқ хўжалик маҳсулотлари асосий турларини етиштириш, прогнозлаш ҳамда ушбу соҳадаги ижтимоий-иқтисодий муаммоларни ўрганиш етарли даражада кўриб чиқилмаган. Шу нуқтаи назардан бугунги кунда истеъмол саватига кирувчи қишлоқ хўжалик маҳсулотлари етиштириш, ҳудудлардаги ривожланиши, давлат томонидан қўллаб-қувватлаш ва истиқболни прогнозлаш масалалари мазкур диссертация иши мавзусини танлаш, унинг мақсад ва вазифаларини белгилашга асос бўлиб хизмат қилди.