Диссертацияси илмий раҳбар: и ф. д., профессор О.Қ. Хатамов Тошкент 2020 йил мундарижа

1.1.2-расм. Мамлакат аҳолисини озиқ-овқат маҳсулотлари билан таъминлашдаги муаммолари
Амалга оширилаётган кучли ижтимоий сиёсат натижасида бугунги аҳолини истеъмол саватига кирувчи қишлоқ хўжалик маҳсулотлари билан таъминлаш даражаси сезиларли даражада ошмоқда ва турмуш сифати яхшиланмоқда. Республикада 2018 йилда ишлаб чиқарилган қишлоқ хўжалик маҳсулотлари ҳажмининг ўсиши 2017 йилга нисбатан 102,9 фоизни, шу жумладан, деҳқончилик маҳсулотлари-101,7 фоизни, чорвачилик маҳсулотлари -104,2 фоизни ташкил қилди.
Фикримизча, аҳолини қишлоқ хўжалик маҳсулотлари билан таъминлашга қаратилган чора-тадбирлар давлатнинг нафақат аграр соҳадаги, балки сиёсий ва иқтисодий соҳадаги фаолиятлари билан ҳам бевосита боғлиқдир.
Юқоридаги кўрсатилган чора-тадбирларни мунтазам ва пухта ўйлаб амалга оширилиши - мамлакат қишлоқ хўжалиги маҳсулотлари ишлаб чиқарувчисини фақат қўллаб-қувватлашни эмас, балки мамлакат қишлоқ хўжалигини халқаро бозорга олиб чиқиш имконини ҳам беради.
Юқорида қайд этилган Ўзбекистон Республикаси Президенти Фармони ва Ўзбекистон Республикаси Вазирлар Маҳкамаси қарорларининг, энг муҳими, истеъмол савати тушунчаси билан боғлиқ асосий атамалар тартибга келтирилган. Албатта, бу атамаларнинг кўпчилиги олимлар ва мутахассислар ўртасида кенг муҳокамаларга олиб келади. Жумладан "истеъмол савати", "аҳолини истеъмол саватига кирувчи қишлоқ хўжалик маҳсулотлари таъминланганлигини баҳолаш мезонлари" каби тушунчаларлар эътибордан четда қолган.
Истеъмол савати ва унга алоқадор тушунчалар кўпчилик хориж ва ўзбек иқтисодчи олимлари томонидан илмий асосланиб, иқтисодий термин сифатида ишлатилиб келинмоқда. Жумладан, Л.Ш. Лозовский, Б.А. Райзберг, Е.Б. Стародубцева, Н.Г. Пасюкова, А.С. Кукушкин, Г.Р. Таишев, О.Ю. Еремина, Т.Н. Иванова, Е.И.Байкова, С.С.Ғуломов, Ш.Р. Қобилов, Ф.М.Фазилов, Б.Э.Мамарахимов, Ф.Мамарасулов, З.Холов, М.З.Мухитдинова каби иқтисодчи олимлар мазкур тушунчага ўз фикр-мулоҳаларини билдиришган.
Шуни таъкидлаш керакки, олдинги даврда ҳам, бугунги кунда ҳам истеъмол савати масалаларини ўрганиш долзарб масала бўлиб келган. Мазкур тадқиқотлар истеъмол савати мазмун-моҳияти ва унинг асосий хусусиятларини очиб беришга қаратилган. (1.1.1-жадвал).