Диссертация мутахассислик: 5А140602 География

1. Ички туризм – ўз давлати чегарасида саёҳат. Экспертлар хулосасига кўра саёҳ 80-100 км дан ошган масофага саёҳат қилса, туризм сайёҳи дейилади.
2. Кириш туризми - Ўзбекистонга бошқа давлатлардан туристларнинг келиши.
3. Чиқиш туризми – агар Ўзбекистонлик Малайзияга саёҳат қилса, чиқиш туризми (турист) бўлади. Малайзияга боргандан кейин, у турист Малайзия учун кириш туризмига киради.
4. Миллий туризм – ички ва чиқиш туризм шаклларини бирлаштиради.
5. Халқаро туризм – кириш ва чиқиш туризмларидан ташкил топади. Шунинг учун ҳам россиялик мутахассислар адабиётидаги чалкаш таснифлардан фойдаланиб Ўзбекистонда туризмнинг қайси турларини ривожлантириш истиқболлари борлигига тўхталиш фикримизча тўғри бўлади. Умуман олганда туризмнинг турларини белгилашда Ўзбекистон учун қулай бўлган усулни қўллашимизни ҳеч ким тақиқламайди. Республикамизда туризмни ривожлантиришга жадал киришилаётган экан, туризмдаги турларни салоҳиятига қараб, уларга келадиган туристик оқимларга қараб ма`лум бир гуруҳларга ажратишимиз мумкин. Туристик ресурслар салоҳиятига қараб Республикамизда туризмдаги қуйидаги асосий турларни ривожлантириш мумкин ва бу турларни асосий турлар деб қабул қилиш лозим.
Диний туризм - Ислом дини оламидаги машҳур кишиларнинг қабрларини зиёрат қилиш. Маккага, Мадинага ҳаж ва умра сафарлари. Бухоро, Самарқанд, Шахрисабз шаҳарларига келиб масжидларда “жума” намозларини ўқиш.
Тарихий обидалар туризми - Бухоро, Хива, Самарқанд, Шахрисабз, Тошкент шаҳарларидаги ва Республикамиз туманларидаги тарихий обидаларни кўришга қизиқиш.
Екологик туризм - Ватанимизнинг гўзал табиат минтақаларига, ноёб ўсимликлар олами ва ҳайвонот дунёсига, 4 фаслнинг иқлимий хусусиятларини кўришга қизиқиш.
Археологик туризм - Самарқанд, Бухоро, Хоразм шаҳарларининг қолдиқлари, қадимий қалалар ҳаробалари, кўҳна қадимий Марказий Осиё халқлари ҳаёти ҳақидаги археологик топилмаларга қизиқиш.
Спорт туризми - Халқимизнинг ҳозирда жаҳон бўйича оммавийлашиб бораётган миллий кураш, теннис, футбол, чанғи спорти, бокс ва бошқа мусобақаларига қизиқиш.