Диссертация илмий раҳбар: филология фанлари доктори, доцент. О. С. Ахмедов Тошкент 2020 мундарижа

транскрипция ва транслитерация усуллари.

Транскрипцияда хорижий сўзнинг талаффуз шакли, транслитерацияда эса унинг график шакли қайта тикланади. Аслият ва таржима тилларининг фонетик тизимларидаги тафовутлар кўпроқ транскрипция усулидан фойдаланишга олиб келади. Масалан: “capital”¹⁷⁰- капитал (сармоя), “transaction deposit”¹⁷¹– депозитга транзакция қилиш (ҳисобга пул қўйиш), “spotprice”¹⁷²– cпот нарх (дарҳол тўловни ошириш шарти билан сотиладиган товарлар).

2. 
   конкретлаштириш (аниқлаштириш).
   

Инглиз тили банк - молия лексик бирликларини таржима қилишда конкретлаштириш лексик-семантик трансформациянинг асосий турларидан бири ҳисобланади. Хусусан, банк-молия терминларининг луғавий маъносини таржима тилида конкретлаштириш, генерализациялаш (умумлаштириш), модуляция (маъносини кенгайтириш) ҳисобланади. Конкретлаштириш аслиятда кенг маънода ишлатилган лексема маъносини таржимада ихчамлаштиришни назарда тутади. Масалан: инглиз тилидаги go феълини ўзбек тилига ўгиришда, албатта, конкретлаштириш усулидан фойдаланилади. Инглизча go (бормоқ) феъли банк-молия соҳасида турли нутқ усулларида кенг ифодаланади.
Ушбу феълнинг конкретлаштирилган шакли қуйидагича таснифланади:

1. 
   ишламоқ, ҳаракат қилмоқ, фаолият кўрсатмоқ;
   
2. 
   яроқли бўлмоқ;
   
3. 
   маъқуланмоқ, қабул қилинмоқ;
   
4. 
   муомалада юрмоқ, муомалада бўлмоқ;
   
5. 
   барбод бўлмоқ, синмоқ, банкрот бўлмоқ;
   
6. 
   нафақа олмоқ.
   

to go a bear – нархни атайлаб пасайтирмоқ; to go a bull – нархни атайлаб кўтармоқ; to go around – эркин бозорда давлат қимматли қоғозлари билан операцияларни амалга оширадиган дилерларга кўрсатма бермоқ; to go back on – панд бермоқ, алдамоқ; to go bankrupt – банкрот бўлмоқ; to go cheap – арзонга сотилмоқ; to go down – пасаймоқ (нарх-навога нисбатан); to go for – муайян нархда сотилмоқ; to go private – хусусийлаштирмоқ; to go to the wall – банкрот бўлмоқ, синмоқ(кўчма маънода); to go short – нақд бўлмаган қимматли қоғозларни сотмоқ; to go up – кўтарилмоқ (нарх-навога нисбатан); to go up with a jump – кескин кўтарилмоқ.