Dispers sistemalar (lot dispergere bo‘lak-bo‘lak bo‘lib ketmoq, tarqalmoq) biror moddaning mayda

10. Kolloid eritmalarda yorug‘likning yoyilishi 
Jismga tushayotgan yorug’likning to’lqin uzunligi jism zarrachalarining o’lchamlaridan kichik bo’lsa, 
yorug’lik geometrik qonunlariga muvofiq jismdan qaytadi. Jism zarrachalarining o’lchamlari tushayotgan 
yorug’likning to’lqin uzunligidan kichik bo’lsa, u holda yorug’likning yoyilishi kuzatiladi. Kolloid va 
dag’al dispers sistemalarda zarrachalar yorug’likni yoyadi. Opalessensiya – mayda zarrachalarning 
yorug‘likni yoyish hodisasi. Chin eritmalarda va toza suyuqliklar aralashmasida yorug’lik juda kam 
yoyiladi va Faradey-Tindal effekti kuzatilmaydi. Bu xossasidan tashqi ko’rinishiga qarab farqlab 
bo’lmaydigan kolloid eritma va chin eritmalar bir-biridan farqlanadi. Faradey-Tindal effektining 
intensivligi zolning disperslik darajasi ortishi bilan ma’lum darajada ortib, keyin kamayadi. Dag’al 
dispers sistemalarda zarracha o’lchami katta bo’lgani uchun yorug’lik nuri tartibsiz yoyiladi. Kolloid 
eritmalarda esa, zarracha o’lchami kichik bo’lgani uchun difraksiya hisobiga yorug’lik yoyiladi. Kolloid 
sistema orqali yorug’lik o’tganda difraksiya tufayli yoyilgan yorug’likning intensivligi kolloid 
zarrachalarning soniga, zarracha hajmining kvadratiga to’g’ri proporsional, tushayotgan nur to’lqin 
uzunligining to’rtinchi darajasiga teskari proporsionaldir. Kolloid zarrachalardan nurning yoyilishi o’sha 
nurning to’lqin uzunligiga bog’liq bo’ladi. 
 
Reley formulasini zarrachalarining o’lchami 40-70 nm dan katta bo’lmagan sistemalar (kolloid) uchun 
qo’llash mumkin. Agar dispers faza zarrachalarining nur sindirish koeffitsiyenti dispers muhitning nur 
sindirish koeffitsiyentiga teng bo’lsa, Faradey-Tindal effekti sodir bo’lmaydi. Faza va muhitning nur 
sindirish koeffitsiyentlari orasidagi farq qancha katta bo’lsa, Faradey-Tindal effekti ham shuncha katta 
bo’ladi. To’lqin uzunligi nisbatan kichik bo’lgan (binafsha va havorang) nurlar kolloid eritmalarda yaxshi 
yoyiladi, to’lqin uzunligi katta bo’lgan (qizil) nur yaxshi yoyilmaydi. Oq nur o’tganda kolloid havorang 
ko’rinadi. Rangdor kolloid erimalarda (yon tomondan nur berilganda) kuzatiladigan opalessensiya 
hodisasi dixroizm deyiladi. Masalan: zangori oltin zoliga yon tomondan nur berilsa, zol sariq-qizg’ish 
bo’lib qoladi.