|
М У Н Д А Р И Ж А
Бититув малака иш боблари ва параграфлари
|
Бети
|
Кириш ...............................................................................................................
|
5
|
1-Боб. Педогогик жамоада учрайдигон низолар ва уларнинг иштирокчилари
|
8
|
1.1.Педогогик фаолиятда низо муаммоси ва унинг методик масалалари
|
8
|
1.2.Педогогик низо субъектлари
|
10
|
2-Боб.Педагогик низоларни бартараф этиш-касбий деформатсияни олдини олиш усули.
|
13
|
2.1.Педогогик жараёндаги низоли вазиятларни келтириб чиқарувчи омиллар таҳлиллар
|
19
|
2.2.Педогогик жараёндаги низоли вазиятларни репертуарини ишлаб чиқиш низоларни ҳал қилишнинг янги усуллари: медиация
|
23
|
Хулоса ва таклифлар .....................................................................................
|
24
|
Фойдаланилган адабиётлар рўйхати ..........................................................
|
25
|
Иловалар ..........................................................................................................
|
|
КИРИШ
“Энг катта бойлик-бу ақл-заковат ва илм, энг катта мерос-бу яхши тарбия энг катта қашшоқлик–бу билимсизликдир. Чиндан хам бугун биз улуғ ниятлар билан пойдевор қўяётган янги уйғониш даври мамлакатимизнинг мана шундай улуғ бойлик яратишига, халқимизнинг хаётини фаровон қилишга ва келгуси авлодларга ўзимиздан муносиб меьрос қолдиришга хизмат қилади”.
Ш.Мирзиёев
Мавзунинг долзарблиги: Бугунги кунда давлатимиз томонидан таълим соҳасида туб ислоҳотлар амалга оширилмоқда. Таълим тизимини янада ривожлантириш ва унга жаҳон таълим тизими стандартларини жорий этиш асосий вазифага айланмоқда.
Бош мақсад эса, таълимга янгича инновацион рухият бериш, унинг самарадорлигини оширишдир. ХХI аср ахборот технологиялар асри. Дарҳақиқат, бугунги глобаллашув даврида илғор педагог кадрлар таълим сифатини янги босқичга кўтариш мақсадида, таълим жараёнида турли интерфаол методлар, инновацион ва педагогик технологиялардан фойдаланмоқдалар.
Ўзбекистон Республикаси Президенти Шавкат Мирзиёевнинг “Ўқитувчи ва мураббийлар куни”га бағишланган тантанали маросимдаги нутқида “Тараққиётнинг тамал тоши ҳам, мамлакатни қудратли, миллатни буюк қиладиган куч ҳам бу–илм-фан, таълим ва тарбиядир. Эртанги кунимиз, Ватанимизнинг ёруғ истиқболи, биринчи навбатда, таълим тизими ва фарзандларимизга бераётган тарбиямиз билан чамбарчас боғлиқ. Фарзандларимиз мактабдан қанчалик билимли бўлиб чиқса, юқори технологияларга асосланган иқтисодиёт тармоқлари шунча тез ривожланади, кўплаб ижтимоий муаммоларни ечиш имкони туғилади. Шундай экан, Янги Ўзбекистон остонаси мактабдан бошланади десам, ўйлайманки, бутун халқимиз бу фикрни қўллаб-қувватлайди” деб эътироф этган эди.
Президентимиз Ш.Мирзиёев янги дарсликларни, замонавий педагогик ва ахборот технологияларини ўз вақтида ишлаб чиқиш ва жорий этишни таъминлашни назорат остига олиш зарурлигини алоҳида таъкидладилар. Бугун олимлар ва ўқитувчилар илғор педагогик технологияларни ишлаб чиқишга астойдил киришишлари шарт- ва улар бу ишга масъулдирлар. Бу соҳага яқин хорижий давлатларда ҳам эътибор кучайтирилмоқда.
Муҳими шундаки, Ўзбекистон Республикаси Президентининг «Профессионал таълим тизимини янада такомиллаштиришга доир қўшимча чора-тадбирлар тўғрисида» 2019 йил 6 сентябрдаги ПФ-5812-сон Фармони ижросини таъминлаш мақсадида Вазирлар Маҳкамаси қарор 07.08.2020 йилдаги 466-сон: белгиланган вазифаларни амалга ошириш,[3] меҳнат бозори талабларига мос юқори малакали кадрларни тайёрлаш, таълим сифатини баҳолашнинг халқаро стандарт-ларини жорий этиш, инновацион илм-фан ютуқларини амалиётга татбиқ этишнинг самарали механизмларини яратиш орқали мамлакатда таълим тизимини ислоҳ қилиш бўйича изчил ишлар амалга оширилиш муҳим вазифалардан бири сифатида белгиланди. Бугунги кунда ҳар соҳада ривожланишлар,янгиланишлар, ўзгаришлар ва технологиялаштириш жараёнлари билан бир қаторда таълим тизимида ҳам янги технологиялардан, интернет ресурсларидан фойдаланиш тобора ортиб бормоқда. Ҳозирги даврда ўқувчилар турли манбаалар орқали мустақил билим олишлари ва ўрганишлари мумкин. Ота-онаси ёки репититор томонидан оз бўлсада билимга эга бўлиш имкониятига эга. Фанни ўқитувчичалик яхши билмасада, бир қисмини ўрганиб, ана шу мавзу бўйича бўйича ўқитувчи бераётган билимни таққослаштиради. Агар ўқитувчи саёз билим берса ёки хато маълумот берса буни сезган ўқувчида ўқитувчига нисбатан ҳурмат йўқолади. Буни албатта ёнидаги синфдошларига айтиб мақтанади. Бу эса умумий ҳолда дарсга қулоқ солмаслик ва фанни ҳурмат қисмаслик, охир оқибат фанни ўзлаштириш истагининг йўқолишига олиб келади. Натижа, ўқитувчи ва ўқувчи ўртасида турли кўринишдаги низолар келиб чиқади. Бундай ҳолатнинг тез тез такрорланиши ўқитувчининг ўз касбига бўлган муносабати ҳам сўнади ва ўқитувчида касбий деформация ҳолати кузатилади. Шунинг учун, педагогик- психологик тадқиқотларда педагогик фаолиятдаги низоларни олдини олиш, уларни бартараф этиш долзарб муаммолига қолмоқда. Педагогнинг мутахассис сифатида салбий педагогик низоларнинг олдини олиш, бартараф этиш чораларини излаш йўлида олиб борадиган амалий ҳаракати унинг ўз устида ишлашини ифодалайди. Ўқитувчи ўқувчиларнинг етакчиси сифатида таълим муассасаларида ўзининг ижодий вазифаларини тўлиқ бажаришни таъминлаши ва педагогик йўналтирилганлигини шакллантириши керак.
Do'stlaringiz bilan baham: |
