Dinda savolim bor. 3-kitob

Ruh ko‘chib yuradimi? 

 

Savol: Yaqinda gazetalarning birida «Inson o‘lgach, ruhi yangi tug‘ilayotgan 

insonga ko‘chadi», degan gapni o‘qib qoldim. Shu to‘g‘rimi? 

Javob:  Bu kabi gaplar botil va kufrdir. «Tanosux» aqidasiga ishonuvchi toifalardan 

bir turi ana shunday deydi. Bunga ba’zi ravofizlar ishonishadi. Ularning e’tiqodiga ko‘ra, 

inson ruhlari farishtalardan jannatni tortib olmoqchi bo‘lib, ular bilan tortishganda Alloh 

ularni yerga tushirgan va ularni yer yutgan. Alloh taolo yerdan bir qabza va ba’zi 

ruhlarni olib Odam alayhissalomni yaratgan. Qolgan ruhlar yerdan o‘sib chiqqan o‘t-o‘lan 

va daraxtlar bilan chiqadi. Ularning o‘sishi ruh ta’sirida bo‘ladi. Qaysi bir ruhning gunohi 

kechirilgan bo‘lsa, uning ta’sirida o‘sgan o‘t yo daraxt mevasini inson yeydi va u inson 

ruhiga qo‘shiladi. Gunohi kechirilmagan bo‘lsa, uni hayvon yo qushlar yeydi va yana 

yerga qaytadi, shu holda aylanib yuradi. Agar gunoh qilsa, u o‘lgach, ruhi it yo to‘ng‘iz 

yoki kofir jasadiga o‘tadi va azoblanadi. Oqibatda barcha ruhlar qilgan gunohidan 

poklanib Alloh taologa qaytadi. 

Bunday e’tiqod qilish kufrdir (Alloh O’zi saqlasin). 

---

Dinda savolim bor. 3-kitob 

 

 

www.ziyouz.com kutubxonasi 

30

Ahli sunna val jamoa e’tiqodi shunday: har bir jasadning alohida ruhi bor. Har bir 

jasad o‘z ruhi bilan qiyomatda qayta tiriladi va hisobga tortiladi. Qur’oni karimda 

shunday marhamat qilinadi: «(Ey Muhammad alayhissalom), sizdan ruh-jon haqida 

so‘raydilar. Ayting: «Ruh yolg‘iz Parvardigorim biladigan ishlardandir». Sizlarga juda oz 

ilm berilgandir» (Al-Isro surasi, 85-oyat); «Ular (jannatda) birinchi o‘limdan (ya’ni, 

dunyo hayotidan ko‘z yumganlaridan) boshqa o‘limni totmaslar. (Alloh) ularni do‘zax 

azobidan saqlagandir» (Duxon surasi, 56-oyat).