Dinamik tiplashtirilgan

TASVIRLAR BILAN ISHLASH
Python tilida tasvirlar bilan ishlash uchun bir qator modullar ishlab chiqilgan bo`lib, ularning eng soddasi ‑ bu TURTLE (toshbaqa) moduli sanaladi.
Ushbu modul shaklidagi toshbaqa (uni odatiy qalam uchiga o`xshatish mumkin) harakatlari yordamida tasvirlar yasash imkonini beradi. Tasavvur qiling, robot‑toshbaqa o`z xarakatlarini ekranning markazi bo`lgan (0, 0) koordinatali nuqtadan boshlaydi va sodda harakatlar yordamida yetarlicha murakkablikdagi tasvirlarni (masalan, … ‑rasm) yasashni boshlaydi. Harakatlar toshbaqa (strelka) yo`nalishida amalga oshiriladi.
Turtle moduli toshbaqa (qalam uchi) harakatlarini o`zida mujassamlashtirgan quyidagi metod va funktsiyalarni qamrab olgan:

Harakatlanish va chizish uchun
forward(masofa) | fd()	oldinga qarab chizish
backward(masofa) | bk() | back()	orqaga qarab chizish.
right(burchak) | rt()	o`ng tomonga burchak ka burish.
left(burchak) | lt()	chap tomonga burchak ka burish.
goto(x, y) | setpos() | setposition()	ko`rsatilgan (x, y) koordinatali nuqtaga o`tish.
setx(x)	toshbaqaning birinchi koordinatasini x ga o’tkazadi, ikkinchi koordinatasi o’zgarmaydi.
sety(y)	toshbaqaning ikkinchi koordinatasini y ga o’tkazadi, birinchi koordinatasi o’zgarmaydi.
setheading(burchak) | seth()	yo’nalishni burchak ka o’zgartiradi.
home()	toshbaqani (0, 0) koordinatali nuqtaga o’tkazish.
circle(r)	joriy holatdan boshlab |r| radiusli aylana chizish. Agar r musbat bo`lsa, chizish soat strelkasiga teskari, aks holda soat strelkasi bo`yicha amalga oshiriladi.
circle(r, k)	joriy holatdan boshlab radiusi |r| hamda burchagi k bo’lgan yoy chizish.
dot(size, color)	kattaligi size , rangi color bo’lgan nuqta chizish.
stamp()	xolstning joriy pozitsiyasida toshbaqa shaklini (shtampini) qoldirish.
clearstamp(son)	stamp() ga avvalgi murojaat qaytarishi lozim bo’lgan butun son.
clearstamps(n)	Toshbaqaning barcha yoki dastlabki/so’nggi shtamplarini o’chirish. Agar n=None bo’lsa hammasi, agar n > 0 bo’lsa dastlabki, n < 0 bo’lganda so’nggi b ta shtamp o’chiriladi.
undo(n)	toshbaqaning so’nggi n ta amalini bekor qilish. Bunday amallarning maksimal soni undobuffer ning hajmi bilan belgilanadi.