Desmurgiya

Kleolli bog‘lam.
Kleol qarag‘ay yelimining baravar miqdorda olingan spirt 
va efirdagi eritmasidir. Jarohat bog‘lam bilan berkitiladi. Bog‘lam atrofidagi 
teriga kleol surtiladi va biroz quritib qo‘yiladi. Bog‘lam va kleol surtilgan teri 
sohalari doka bilan berkitiladi. Salfetka chetlari teriga mahkam bosiladi. 
Dokaning yopishmay qolgan ortiqcha qismi qaychi bilan qirqiladi. Kamchiligi 
— bog‘lam yetarli darajada qattiq yopishmaydi va teri qotib qolgan kleoldan 
ifloslanib qoladi.
Kolloidli bog‘lamning
oldingi bog‘lamdan farqi shundaki, bunda doka teriga 
kleol bilan emas, balki kolloid (spirt va efir aralashgan nitroto‘qima eritmasi) 
bilan yopishtiriladi. Bog‘lam qo‘yish usuli: bog‘lamga salfetka yopiladi va 
salfetka chetlariga kolloid surtiladi. Kolloid qotgandan keyin salfetkaning 
ortiqcha qismi qirqiladi. kolloidni shpatel bilan surtish tavsiya etiladi. Bunday 
bog‘lam 7—8 kungacha tushib ketmaydi. Bog‘lamning qayishqoqligi kamligi va 
terini ta’sirlantirishi uning kamchiligidir. 
Xuddi shu maqsadda rezina yelim (efir bilan benzin aralashgan rezina eritmasi), 
BF-6 yelimidan foydalanish mumkin.