Desmurgiya

BINTLASH QOIDALARI VA BOG‘LAMLARNING TURLARI
 
Bintlashda bintni to‘g‘ri o‘rab bog‘lashga yordam beradigan qator 
qoidalarga rioya qilish zarur. Bemor bintlanadigan qism uchun qulay vaziyatda 
(tik turgan yoki o‘tirgan) bo‘lishi lozim. Gavdaning tegishli sohasiga berilgan 
vaziyat bintlashdan keyin saqlanib qolishi kerak. Shu maqsadda turli xil 
bolishlar, tirgaklar yoki maxsus stollardan foydalaniladi. Bintlanadigan soha 
bint bog‘layotgan kishining ko‘ksi sohasida bo‘lishi kerak. Bintlash aksariyat 
chetdan markazga tomon, biroq qator hollarda esa bog‘lam teskari yo‘nalishda 
bog‘lanadi. Bintning mahkamlay- digan o‘ramidan keyin uning har bir keyingi 
o‘rami oldingi o‘ramning yarmini yopib borishi lozim. Bint boshchasini 
bintlanadigan yuzadan uzoqlashtirmaslik va bir me’yorda tortish kerak. Gavdaning 
konus shaklidagi qismi (son, boldir, bilak)ni bintlashda bint zich yopishib turishi 
uchun l—2 marta aylantirilgandan so‘ng bint qayirib bog‘lanadi.
Bintlash oxirida u tikib mahkamlanadi, unga to‘g‘nag‘ich bilan fiksatsiyalanadi 
yoki bintning o‘rtasidan yirtib, ikki bo‘lakka bo‘linadi va bint langan qism ustidan 
aylantirib o‘raladi va tugib qo‘yiladi. Bintni jarohat proyeksiyasi ustida 
mahkamlash tavsiya qilinmaydi, balki uni chetroqdan mahkamlagan ma’qul.
5-rasm. Bolalardagi to‘rsimon bog‘lam. 
Bog‘lamlarning quyidagi turlari farq qilinadi: