Desmurgiya

Xochsimon bog‘lam
gavdaning orqa qismlarini bintlash uchun qo‘llaniladi. 
Bog‘lam bir yelka atrofini mahkamlovchi sirkular o‘rashdan boshlanadi, old 
tomondan yelkaga olib chiqariladi. Orqaga o‘tkaziladi va bint qarama-qarshi 
tomondagi qo‘ltiq sohasiga qiyshiq holda yo‘naltiriladi. Bint yo‘llarini shu tariqa 
takrorlab, ularni ikkala yelka ustiga asta-sekin ko‘tarib va ko‘krak qafasi bo‘yicha 
pastga tushirib orqa bekitiladi.
Ko‘krak bezini bog‘lash
sut bezini yopib turishdan tashqari, uni ko‘tarib 
turadigan o‘ziga xos suspenzoriy vazifasini ham bajaradi. O‘ng tomondagi sut bezini 
bintlashda bint chapdan o‘ngga, chap tomondagi sut bezini bintlashda o‘ngdan 
chapga qarab o‘raladi. Bog‘lam ko‘krak qafasini sut bezlari tagidan 
mustahkamlaydigan aylantirib o‘rashdan boshlanadi. keyingi o‘ram sut bezining 
pastki va ichki qismlarini qamrab oladi, qarama-qarshi tomondagi yelkaga 

---

ko‘tariladi va yelkaning orqa tomonidan pastga tushib bintlanayotgan sut bezi 
tomonidagi qo‘ltiqqa boradi. So‘ngra bint sut bezining pastki qismini egallaydi. 
Aylantirib o‘rash bilan oldingi o‘ram mustahkamlanadi. keyingi o‘ramlar sut bezi 
pastdan batamom yopilmaguncha asta-sekin yuqoriga ko‘tarib takrorlanadi. 
Emizikli onalarda sut bezini bog‘lashda bola emizish yoki sutni sog‘ish uchun bez 
uchi bint bilan yopilmaydi. 
Dezo bog‘lami.
Oldin qo‘ltiqqa paxta yostiqcha qo‘yiladi. Bilak tirsak 
bo‘g‘imidan to‘g‘ri burchak ostida bukiladi va ko‘krakka qo‘yiladi. Yelka 
birinchi doira o‘ram bilan ko‘krak qafasiga bog‘lanadi. Ikkinchi o‘ramni qarama-
qarshi tomondagi qo‘ltiqdan kasal tomondagi yelkaga yo‘naltirib, yelkadan orqaga 
oshiriladi va pastgatushiriladi. keyin bint tirsak bo‘g‘imini egallaydi va uni 
bilakni ushlab turgan holda yuqoriga, sog‘lom tomondagi qo‘ltiqqa qiyshiq 
yo‘naltiriladi, so‘ngra ko‘krak qafasining orqa sathi bo‘ylab o‘tkazib, kasal yelkaga 
yo‘naltiriladi va pastga tushiriladi. Bilakni aylantirib o‘tkazib ko‘krak qafasining 
orqa sathiga, sog‘lom tomondagi qo‘ltiqqa yo‘naltiriladi. Bog‘lam yaxshi 
mustahkamlanmaguncha o‘ramlar takror o‘ralaveradi. Bolalardagi Dezo bog‘lami 
20-rasmda tasvirlangan. 
20-rasm. Bolalardagi Dezo bog‘lami. 21-rasm.Torakobraxial bog‘lam.