Desmurgiya

Ikki tomonlama boshoqsimon bog‘lam
har ikki son va dumbaning yuqorigi 
uchdan bir qismini yopish uchun qo‘llaniladi. Oldingi bog‘lam kabi belni 
sirkular o‘rashdan boshlanadi, biroq bint dastlab chovning oldingi yuzasidan, 
so‘ngra sonning tashqi yuzasidan yurgiziladi, uning orqa yarim doirasi qamrab 
olinadi, ichki yuzasiga chiqariladi va chov sohasi bo‘ylab tananing orqa yarim 
doirasiga o‘tkaziladi. Bu yerdan bint o‘rami bir tomonlama boshoqsimon 
bog‘lamdagi singari davom ettiriladi. Bintni har ikki oyoqqa navbat bilan, 
gavdaning shikastlangan qismi bekilguncha o‘raladi. Bog‘lam tanaga sirkular 
o‘ram bilan mahkamlanadi.